11th Geography Notes Part 5 in Tamil – Online Test – New Book

வெப்பநிலை, அழுத்தம், காற்று, ஈரப்பதம், மேகம் மற்றும் மழைப்பொழிவு ஆகியவை வளிமண்டல கூறுகள் ஆகும். வானிலை நிலையற்றது. வானிலை இடத்திற்கு இடம், நாளுக்கு நாள்,நேரத்திற்கு நேரம் பெரிதும் மாறுபடுகிறது

காலநிலை நிரந்தரமானது. இது ஒரு இடத்தில் நிலையான சூழலை குறிக்கிறது.

உலக வானிலையியல் அமைப்பு காலநிலை சராசரியை கணக்கிட தொடர்ச்சியாக 30 ஆண்டுகளுக்கான வானிலை கூறுகளை எடுத்துக்கொள்ள வேண்டும் என பரிந்துரைத்துள்ளது.

காலநிலை என்ற சொல் கிளைமா என்ற பண்டைய கிரேக்க சொல்லில் இருந்து வந்தது. கிளைமா என்றால் சரிவு அல்லது சாய்வு என்று பொருள்படும்.

 சராசரி வானிலையை குறிக்கும் கிளைமேட்டா என்ற சொல் நவீன ஐரோப்பிய மொழியில் கிளைம் அல்லது கிளைமேட் என வழக்கத்திற்கு வந்தது.

 வளிமண்டலம் 21% ஆக்ஸிஜன், 78% நைட்ரஜன் மற்றும் மற்ற வாயுக்களை(ஆர்கான், கார்பன் டை ஆக்சைடு, நியான் மற்றும் பிற வாயுக்கள் ) ஒரு சதவீதமும் கொண்டுள்ளது.

 வளிமண்டலத்தில் காணப்படும் நீராவி, தூசிப்படலம் மற்றும் மிகச் சிறிய துகள்கள் வெப்பசக்தியை உட்கிரகித்து வெளியிடுவதால் வானிலை நிகழ்வுகள் ஏற்பட ஆதாரமாக அமைகின்றன.

 வளிமண்டலமானது வெப்ப நிலையின் அடிப்படையில் அடியடுக்கு, படையடுக்கு, இடையடுக்கு, அயனியடுக்கு மற்றும் வெளி அடுக்கு என பிரிக்கப்பட்டுள்ளது.

 அடியடுக்கானது தோராயமாக துருவப்பகுதியில் எட்டு கிலோமீட்டர் உயரம் வரையிலும் நிலநடுக்கோட்டுப் பகுதியில் 18 கிலோமீட்டர் உயரம் வரையிலும் பரவி காணப்படுகிறது.

 இதன் உயரம் கோடைக்காலத்தில் அதிகரித்தும் குளிர்காலத்தில் குறைந்தும் பருவ காலத்திற்கு ஏற்ப மாறுபடுகிறது.

 ஒவ்வொரு 165 மீட்டருக்கு 1° செல்சியஸ் அல்லது 1000 மீட்டருக்கு 6.5° செல்சியஸ் என்ற விகித அளவில் வெப்பநிலை குறைகிறது.

 இந்த அடுக்கில் 70 முதல் 80 சதவிகிதம் வாயுக்கள் இருப்பதால் அடர்த்தியான அடுக்காக உள்ளது.

 1.5 மீட்டர் தடிமன் உடைய அடி அடுக்கின் எல்லை அடிவளிமுனை என அழைக்கப்படுகிறது.

 வளிமண்டல அடுக்கில் இரண்டாவதாக அமைந்துள்ள அடுக்கு படையடுக்கு ஆகும்.

 அடி வளி முனையில் 20 கிலோ மீட்டர் உயரம் வரை நிலையாக உள்ள வெப்பநிலையானது பின்னர் படைவளி முனையில் -4° செல்சியஸ் வரை தொடர்ந்து சீராக உயர்கிறது.

 இந்த அடுக்கின் கீழ் பகுதியில் ஓசோன் வாயு மிகவும் செறிவாக உள்ளதால் இதனை ஓசோன் அடுக்கு என அழைக்கிறோம். ஓசோன் அடுக்கானது புவியில் வாழும் உயிரினங்களை பாதுகாக்கிறது.

 இக்கதிர்கள் மிகவும் ஆபத்தானவை. இவை தோல் புற்றுநோய் மற்றும் பூமியில் வாழும் உயிரினங்களுக்கு பெரும் பாதிப்பை ஏற்படுத்துகின்றன.

 வளிமண்டலத்தில் மூன்றாவதாக அமைந்துள்ளது இடை அடுக்கு. இங்கு ஓசோன் வாயு இல்லாததால் அதிகரிக்கும் உயரத்திற்கு ஏற்ப வெப்பநிலை குறைகிறது.

 இடையடுக்கு வளி மண்டலத்தின் மிக குளிரான அடுக்காகும். இடை அடுக்கின் மேல் எல்லையை இடை வளிமுனை என அழைக்கிறோம்.

 இங்கு காஸ்மிக் துகள்கள் இருப்பதால் ஒளிரும் மேகங்கள் உருவாகின்றன. விண்வெளியிலிருந்து வரும் விண்கற்கள் இந்த அடுக்கில் விழுந்து காற்றுடன் உராய்வதால் வெப்பமடைந்து எரிந்து விடுகின்றன.

 வளி மண்டலத்தில் அமைந்துள்ள நான்காவது அடுக்கு அயனியடுக்கு ஆகும்.

 குறைந்த அலைநீளம் மற்றும் அதிக ஆற்றலுடைய சூரிய கதிர் வீச்சுகள் ஆக்சிஜன் மற்றும் ஹைட்ரஜன் வாயுக்ளின் அயனிகளால் உட்கிரகிக்கப்படுவதால் இந்த அடுக்கில் வெப்ப நிலை வேகமாக அதிகரிக்கிறது.

 இந்த மின்னேற்றம் பெற்ற துகள்கள் உயர் அட்சங்களில் துருவ மின் ஒளிகளை உருவாக்குகின்றன.

 ஒளி ஆற்றல் வெப்ப ஆற்றலாக மாற்றப்படும் போது சில வாயு மூலக்கூறுகள் எலக்ட்ரானை பெறுவதாலோ அல்லது இழப்பதாலோ மின்னேற்றம் பெற்ற துகள்களாக மாறுவதை அயனிகள் என்கிறோம்.

 இந்த அணுக்கள் ஒன்றுடன் ஒன்று கலக்காமல் பல நூறு கிலோ மீட்டர் தூரத்திற்கு மேல் பயணம் செய்கின்றன. இதனால் வெளி அடுக்கு வாயுக்களைப் போல் செயல்படுவதில்லை.

 இவ்வடுக்கில் ஈர்ப்பு விசை குறைவாக உள்ளது. இவ்வடுக்கு படிப்படியாக விண்வெளியுடன் கலக்கிறது.

 ஓசோன் என்பது ஆக்சிஜனின் ஒரு வடிவம் ஆகும். மூன்று ஆக்சிஜன் அணுக்கள் இணைந்து ஓசோன் உருவாகிறது

 ஓசோன் அடுக்கானது புவியில் வாழும் அனைத்து உயிரினங்களையும் பாதுகாக்கிறது. எனினும் புவி பரப்பிற்கு அருகில் ஓசோன் வெப்பமடைந்து பெருகும் போது ஆஸ்துமா மற்றும் சுவாச நோய்கள் போன்ற உடல்நலக் குறைவை ஏற்படுத்துகிறது.

 முன்னர் ஓசோன் சிதைவு தூசுப்படலத்தை தெளிப்பான்கள் மற்றும் குளிர்சாதன பெட்டிகள் வெளியிடும் குளோரோபுளோரோ கார்பன் மற்றும் ஹாலோன் வாயுக்கள் வளிமண்டலத்தில் வேதிவினை புரிந்து ஓசோன் மூலக்கூறுகளை உடைத்து அதன் செறிவை குறைத்தன.

 சூப்பர்சோனிக் விமானம் வெளியிடும் நைட்ரஜன் வாயுக்கள் ஓசோன் மூலக்கூறுகளை உடைக்கின்றன. படை அடுக்கில் உள்ள ஓசோன் அடுக்கு முழுவதும் ஓசோன் பாதிப்புக்கு உட்படுத்தப்படுகிறது.ஏனென்றால் வளிமண்டல காற்று நகர்வு மூலம் நீண்ட தூரத்திற்கு கடத்தப்படுகின்றன.

 அண்டார்டிகாவின் ஓசோன் அடுக்கு கடுமையாக பாதிக்கப்படுவதற்கு காரணம் இது சிறப்பு வளிமண்டல நிலை மற்றும் ரசாயன நிலையை கொண்டுள்ளது. இது உலகில் வேறு எங்கும் இல்லை.

 மிகக்குறைந்த குளிர்கால வெப்பநிலையால் அண்டார்க்டிக் படையெடுக்கு பாதிக்கப்பட்டு துருவ படையடுக்கு மேகங்களை உருவாக்குகிறது.

 துருவ படையடுக்கில் உருவாகும் குளோரின் மற்றும் புரோமின் வாயுக்கள் வசந்த காலத்தில் அண்டார்டிகாவில் ஓசோன் துளையை உருவாக்குகிறது.

 சமீபத்தில் எடுத்த புவியின் செயற்கை கோள் படத்தில் வளிமண்டலத்தில் உள்ள ஓசோன் அடுக்கு மெல்லியதாக காணப்பட்டது. அக்டோபர் 2,2015 இல் 28.2 மில்லியன் சதுர கி.மீட்டர் அளவு பதிவானது.

 இந்த ஓசோன் துளையானது அண்டார்டிகா முழுவதும் புற ஊதாக் கதிர்களை அனுமதிப்பதால் உலக வெப்பமயமாதல், தோல் புற்றுநோய், கண்புரை மற்றும் பார்வை இழப்பு போன்ற பாதிப்புகளை உண்டாக்குகிறது.

 இந்த விளைவுகள், குறிப்பாக அதிக அளவிலான புற ஊதாக் கதிர்கள் புவியை அடைவதால் ஏற்படுகிறது.

 புவியின் மேற்பரப்பு சூரியனிடமிருந்து வரும் குறைந்த அலைநீளம் உடைய கதிர்களால் வெப்பப்படுத்தப்படுகிறது.

 வளிமண்டலம் வெப்பமடைதல் ஒரு மறைமுக செயல்முறையாகும். புவி கதிர்வீசல், வெப்பக் கடத்தல், வெப்ப சலனம் மற்றும் வெப்ப கிடை பரவல் ஆகியன இச்செயல்முறைகள் ஆகும்.

 புவி கதிர்வீசல் நீண்ட அலைநீள தன்மையுடையதாக இருப்பதால் வளிமண்டலத்திற்கு அதிக வெப்பத்தை தருகிறது.

 வளிமண்டலத்தை அடையும் 100% சூரிய கதிர் வீசலில் மேகங்கள், நீர்நிலைகள், பனிப்படிகங்கள் போன்றவை பிரதிபலிப்பதன் மூலம் 35% விண்வெளிக்கு திருப்பி அனுப்பப்படுகிறது.

 விண்வெளிக்கு திருப்பி அனுப்பப்படும் 35% தவிர மீதமுள்ள 65% அலகில் 14% வளிமண்டலமும் 51% ( 34% நேரடி சூரிய கதிர்வீச்சு, 17% கதிர்வீச்சு சிதறல் ) புவியின் மேற்பரப்பும் உட்கிரகித்துக் கொள்கின்றன. புவி உட்கிரகிக்கும் 51% சூரிய கதிர்வீசலானது புவிக்கதிர்வீசலாக மீண்டும் விண்வெளிக்கு நேரடியாக திருப்பி அனுப்பப்படுகிறது.

 17% கதிர் வீசல் நேரடியாக விண்வெளிக்கும் 48% கதிர்வீசல் வளிமண்டலத்தால் உட்கிரகிக்கப்பட்டும் ( பெறப்பட்ட வெப்பம் 14%, புவி கதிர்வீசல் 34% ) படிப்படியாக விண்வெளிக்கு திருப்பி அனுப்பப்படுகிறது.

 வளிமண்டலத்தை அடையும் 100% சூரிய கதிர்வீசலும் மீண்டும் விண்வெளிக்கே திருப்பி அனுப்பப்பட்டால் உலக வெப்ப ஆற்றல் சமநிலை உருவாகும்.

 வெப்பநிலை பரவலானது கிடைமட்டமாகவும் செங்குத்தாகவும் வேறுபடுகிறது. இது கிடைமட்ட வெப்பநிலை பரவல் மற்றும் செங்குத்து வெப்பநிலை பரவல் எனவும் அழைக்கப்படுகிறது.

 பொதுவாக நிலவரை படங்களில் கிடைமட்ட வெப்பநிலை பரவல் சம வெப்பநிலை கோடுகள் மூலம் காட்டப்படுகிறது.

 புவி மேற்பரப்பின் மீது கிடைமட்ட வெப்பநிலை பரவலானது இடத்திற்கு இடம் மாறுபடுகிறது. மேற்கண்ட காரணிகள் மட்டுமல்லாமல் கடல் நீரோட்டங்கள், நிலம் மற்றும் நீர் பரவல், புவிப்பரப்பின் தன்மை மற்றும் மலை தடைகள் ஆகியவையும் கிடைமட்ட பரவலை பாதிக்கும் காரணிகளாகும்.

 நிலநடுக்கோட்டுப் பகுதியில் நிகழ்வு கோணம் செங்குத்தாக இருக்கிறது. துருவப்பகுதியில் சாய்வாக அமைகிறது.

 நிகழ்வு கோணமானது நிலநடுக்கோட்டுப் பகுதியில் இருந்து துருவங்களை நோக்கி செல்லும் போது சாய்வாக அமைகிறது. எனவே வெப்பநிலையானது நிலநடுக்கோட்டுப் பகுதியில் அதிகமாகவும் துருவப் பகுதியில் குறைவாகவும் காணப்படுகிறது.

 நீர் வெப்பமடைய கூடுதல் வெப்ப ஆற்றல் தேவைப்படுகிறது. எனவே கோடைக்காலத்தில் நிலமானது நீரை விட அதிக வெப்ப நிலையையும் குளிர்காலத்தில் நீரானது நிலத்தை விட அதிக வெப்ப நிலையையும் கொண்டுள்ளது.

 நீர் மற்றும் நிலத்தின் வெப்பநிலை வேறுபாட்டின் காரணமாக வட அரைக்கோளத்தில் அதிக நிலப்பகுதி உள்ளதால் அதன் சராசரி வெப்பநிலை தென் அரைக்கோளத்தை ( 13.3° செல்சியஸ் ) விட அதிகமாக உள்ளது.

 வெப்பமண்டல கடல் பகுதியில் இருந்து வெப்ப நீரோட்டமானது துருவப்பகுதியை நோக்கி வெப்பமான நீரை சுமந்து செல்வதால் துருவ கடற்கரைப் பகுதியில் வெப்பம் அதிகரிக்கிறது.

 வெப்பக்காற்றுகளான வியாபார காற்றுகள் மற்றும் மேற்கத்திய காற்றுகள் அதிக வெப்ப ஆற்றலை கடத்துவதால் வெப்ப நிலையை அதிகரிக்கிறது. அதேபோல் குளிர்ந்த துருவ கிழக்கத்திய காற்றுகள் துருவப் பகுதியில் இருந்து குறைந்த வெப்ப ஆற்றலை கடத்துவதால் வெப்பநிலையைக் குறைக்கிறது.

 ஆனால் வானம் பகலில் தெளிவாக இருக்கும் போது அதிகப்படியான சூரியகதிர் புவி மேற்பரப்பை அடைவதால் வெப்பநிலை உயருகிறது.

 உதாரணமாக வெப்ப மண்டல பாலைவனங்கள் பகலில் அதிக வெப்ப நிலையையும் இரவில் மிக குறைவான வெப்ப நிலையையும் கொண்டுள்ளது.

 மேற்கண்ட நிகழ்வுகளால் இம்மலைகளின் வட சரிவு பகுதியில் குறைந்த வெப்ப நிலையும் அதன் தென் சரிவு பகுதியில் அதிக வெப்ப நிலையும் காணப்படுகிறது. காற்று அல்லது வளிப்பகுதிகள் மலையை நோக்கி வீசும் போது மலையின் இருபுறங்களிலும் வெப்பநிலை பரவலை பாதிக்கின்றது.

 வளிமண்டல படையடுக்கில் வெப்பநிலை செங்குத்தாக குறைவதை இயல்பான வெப்பு குறைவு விகிதம் அல்லது செங்குத்து வெப்ப குறைவு என அழைக்கிறோம். வெப்பநிலை குறையும் விகிதமானது 1000 மீட்டருக்கு 6.5° செல்சியஸ் என்ற அளவில் குறைகிறது.

 மேற்கூறிய இரு காரணிகளால் உயரம் அதிகரிக்கும் போது வெப்ப நிலையும் குறைகிறது.

வெப்ப கலையில் மாற்ற நிகழ்வின் போது குளிர் காற்று மீது வெப்ப காற்று காணப்படுகிறது.

வானம் தெளிவாக இருக்கும்போது அதிக அளவு புவி கதிர்வீசல் அதிக உயரத்திற்கு சென்று விடுவதால் இப்பகுதியில் குறைவான வெப்பநிலையே நிலவுகிறது. 74) வறண்ட காற்று உட்கிரகிக்கும் புவி

குறைந்த புவி கதிர்வீசல் மற்றும் அதிக அளவு ஒலி திருப்புத்திறன் காரணமாக இரவில் வளிமண்டலத்தில் அதிக வெப்ப இழப்பு ஏற்படுவதால் புவி மேற்பரப்பு குளிர்ச்சி அடைகிறது.

 அதிகாலையில் குளிர்ந்த காற்று மலை உச்சியிலிருந்து கீழ்ப் பகுதியை நோக்கிச் சென்று வெப்பக்காற்றை பள்ளத்தாக்கில் இருந்து மேல்நோக்கி வெளியேற்றும் நிகழ்வை வெப்ப தலைகீழ் மாற்றம் என்கிறோம்.

 இது அல்பிடோ என்றும் அழைக்கப்படுகிறது. காடுகளுடன் ஒப்பிடும்போது பனி அதிக அளவு ஒளி திருப்புத்திறனைக் கொண்டுள்ளது.

 கேப்ரியல் பாரன்ஹீட் 1714 ஆம் ஆண்டு பாரன்ஹீட் அளவை கண்டறிந்தார். ஆண்ட்ரூ செல்சியஸ் 1742 ஆம் ஆண்டு செல்சியஸ் அளவை கண்டறிந்தார். F = (C * 1.8 ) + 32

 லார்டு கெல்வின் என்பவர் கெல்வின் வெப்பநிலை அளவை 1848 ஆம் ஆண்டு கண்டறிந்தார். செல்சியஸில் அளவிலிருந்து கெல்வின் அளவிற்கு மாற்ற கொடுக்கப்பட்ட செல்சியஸ் அளவு உடன் 273.15 அளவை கூட்டிக் கொள்ள வேண்டும்.

 இப்பகுதியில் சூரிய கதிர்கள் செங்குத்தாக விழுவதால் இந்த மண்டலத்தில் வெப்பநிலை மற்ற இரண்டு மண்டலங்களை விட எப்போதும் அதிகமாக இருக்கும்

 இப்பகுதி மேலும் தென்கோளத்தில் அண்டார்டிக் வட்டத்திற்கும் தென் துருவத்திற்கும் இடையேயும் அமைந்துள்ளது.

 இப்பகுதியில் எப்போதும் சூரிய கதிர் சாய்வாக விழுவதால் மிகக் குறைவான வெப்ப நிலையை இங்கு காணப்படுகிறது

 ஒரு பகுதியின் ஒரு நாளின் அதிகபட்ச வெப்ப நிலைக்கும் குறைந்தபட்ச வெப்பநிலைக்கும் இடையே உள்ள வேறுபாடு தினசரி வெப்பநிலை வீச்சு என அழைக்கப்படுகிறது.

 பசுமை இல்ல வாயுக்கள் ஒரு கண்ணாடியைப் போன்று செயல்பட்டு வெப்பத்தை தக்க வைத்துக் கொள்வதால் வெப்பம் வளி மண்டலத்தை விட்டு வெளியேறுவது தடுக்கப்படுகிறது. இந்நிகழ்வே பசுமை இல்ல விளைவு என அழைக்கப்படுகிறது

 உலக வெப்பமயமாதல் ஒரு நூற்றாண்டு கால அளவில் கண்காணிக்கப்படுகிறது. பசுமை இல்ல வாயுக்கள் அதிகளவு உயிர் எரிபொருள் பயன்பாடு, வாகனங்கள், தொழிற்சாலைகள் மற்றும் வீடுகளில் இருந்து வெளியேறும் கார்பன் வாயுக்களால் உற்பத்தியாகிறது.

 நகரங்களில் உள்ள வானுயர்ந்த கட்டிடங்கள், சாலைகள், குறைவான தாவர பரவல், குறைவான மண் பரப்பு போன்றவற்றால் நகர்ப்புறப் பகுதிகளில் கிராம பகுதியை விட அதிக வெப்பத்துடன் ஒரு வெப்ப தீவு போல காணப்படுவது நகர வெப்ப தீவு என அழைக்கப்படுகிறது.

 நகர வெப்பத்தின் தாக்கத்தை குறைக்க வாகனங்களிலிருந்து வரும் கார்பன் புகையை குறைத்தல் வேண்டும். மேலும் வீட்டைச் சுற்றி நிழலை தரக்கூடிய மரம் மற்றும் தாவரங்களை வளர்ப்பதால் மேற்பரப்பு காற்றின் வெப்பநிலை குறைகிறது.

 புவியின் மீது வளிமண்டல அழுத்த பரவல் சீரான முறையில் இல்லை. புவிமேற்பரப்பில் விசையை செலுத்தும் காற்று மூலக்கூறுகளின் எடைக்கு ஏற்ப அழுத்தம் அதிகரிக்கும் அல்லது குறையும்.

 மூலக்கூறுகளின் எண்ணிக்கை குறையும்போது அழுத்தம் குறைகிறது. சில சமயங்களில் வெப்பநிலை குறையும்போது காற்றின் அழுத்தம் அதிகரிக்கிறது. எனவே வெப்பநிலையும், வளிமண்டல அழுத்தமும் எதிர்மறையான தொடர்புடையது.

 சராசரி கடல்மட்ட உயரத்திலுள்ள சம அழுத்த பகுதிகளை இணைக்கும் கற்பனை கோட்டிற்கு சம அழுத்த கோடு என்று பெயர்.

 காற்று வெப்பம் அடையும் போது விரிவடைந்து செங்குத்தாக மேலே உயர்வதால் காற்றின் அழுத்தம் குறைந்து தாழ்வழுத்த பகுதி உருவாகிறது

 புவியின் சுழற்சியானது புவிமேற்பரப்பில் நகரும் பொருட்களின் மீது தாக்கத்தை ஏற்படுத்துகிறது. தடையின்றி நகரும் பொருட்கள் புவியின் சுழற்சியினால் நேர்கோட்டில் பயணிக்காமல் வட கோளத்தில் வலப்புறமாகவும், தென்கோளத்தில் இடப்புறமாகவும் நகரும்.

 மேற்கண்ட விளைவு கோரியாலிஸ் விளைவு என்று அழைக்கப்படுகிறது. இந்த விளைவை கண்டறிந்தவர் G.G. கோரியாலிஸ் ஆவார்.

 எடுத்துக்காட்டாக இந்தியாவில் உள்ள ஸ்ரீஹரிகோட்டா மற்றும் பிரான்சில் உள்ள பிரெஞ்சு கயானா ஆகியவை கிழக்கு கடற்கரை பகுதிகளில் அமைந்துள்ளன.

 காற்றின் திசையை அறிய பயன்படும் கருவி காற்று திசைமானி ஆகும். காற்றின் வேகத்தை அளவிட பயன்படும் கருவி காற்றுமானி என்று அழைக்கப்படுகிறது.

 வளிமண்டல சமநிலையை நிலைநிறுத்த உயர் அழுத்தம் உள்ள பகுதிகளில் இருந்து தாழ்வு அழுத்தம் உள்ள பகுதியை நோக்கி மூலக்கூறுகள் கிடைமட்டமாக நகர்வதை காற்று என்கிறோம். இந்த காற்று எப்போதும் சம அழுத்த கோட்டில் செங்குத்தாக நகர்கிறது.

 நிலநடுக் கோட்டிலிருந்து துருவங்கள் வரை ஒவ்வொரு கோளத்திலும் நான்கு அழுத்த பட்டைகளும், உலக அளவில் மொத்தம் ஏழு அழுத்த பட்டைகளும் காணப்படுகின்றன.

 இது அமைதியான பலவீனமான மற்றும் மாறுபடும் காற்று பகுதியாகும். இப்பகுதி முழுவதும் அதிக வெப்ப நிலையைக் கொண்டு நிலவுவதால் காற்று சூடாகி விரிவடைந்து மேல் நோக்கி செல்வதால் அழுத்தம் குறைந்து தாழ்வழுத்த பகுதியை உருவாக்குகிறது.

 துணை வெப்பமண்டல உயர் அழுத்த பகுதியிலிருந்து காற்றானது நிலநடுக்கோட்டு தாழ்வழுத்த பகுதியை நோக்கி வீசுகிறது. இக்காற்றுகள் திசை திருப்பப்படும் பகுதியைப் பொருத்து வடகிழக்கு மற்றும் தென்கிழக்கு வியாபார காற்றுகள் என பெயரிடப்படுகின்றன

 இப்பகுதியில் அதிக அழுத்தம் நிலவுவதால் இவ்வழியே செல்லும் கப்பல்களின் வேகம் குறைவதை தடுக்க குதிரைகள் கடலில் தூக்கி எறியப்பட்டதாக கூறப்படுகிறது. எனவே துணை வெப்பமண்டலம் குதிரை அட்சரேகை எனவும் அழைக்கப்படுகிறது.

 மேலும் துணை துருவத்தை நோக்கி வீசும் காற்றை மேற்கத்திய காற்று எனவும் அழைக்கிறோம். மேற்கத்திய காற்று துணை வெப்ப மண்டலத்தில் இருந்து துருவத்தை நோக்கி நகரும்போது வடகோளத்தில் வலதுபுறமாகவும் தென்கோளத்தில் இடதுபுறமாகவும் திரும்புகிறது.

 நிலநடுக்கோட்டுப் பகுதியில் இருந்து மேலெழும்பும் காற்றானது அதிக உயரத்தில் குளிர்ச்சியடைந்து துருவங்களை நோக்கி சென்று உயர் அட்ச பகுதிகளில் துருவ மண்டலத்தில் இருந்து வரும் காற்று மோதி துணை வெப்ப மண்டலப் பகுதியில் உயரழுத்த பட்டைகளை உருவாக்குகின்றன.

 உயர் அழுத்தத்தில் காற்று வளிப்பகுதி எப்போதும் மையத்திலிருந்து விலகுகிறது. ஆனால் குறைவழுத்த பகுதியில் காற்று குவிகிறது.

 குறைவான வெப்ப நிலையின் காரணமாக இரண்டு துருவங்களிலும் துருவ உயர் அழுத்த பட்டைகள் உருவாகின்றன. மேற்பரப்பில் இருக்கும் உயர் அழுத்தம் உயரமான பகுதிகளில் காணப்படும் தாழ்வழுத்தத்துடன் எப்பொழுதும் ஒத்திருக்கிறது. அதேபோல், மேற்பரப்பில் இருக்கும் தாழ்வழுத்தம் உயர் பகுதிகளில் காணப்படும் உயர்ழுத்தத்துடன் ஒத்திருக்கிறது.

 புவியின் தென்கோளத்தில் 40° தெற்கு முதல் 60° தெற்கு வரை பெருங்கடல் பரந்து விரிந்துள்ளது. இதனால் மேற்கத்திய காற்றுகள் தொடர்ந்து வலிமையானதாக இருக்கும். எனவே இப்பகுதி மேற்காணும் பெயர்களில் கப்பலோட்டிகளால் அழைக்கப்படுகிறது.

 அழுத்த பட்டைகள் இரண்டு முக்கியமான காரணிகளைப் பொறுத்து உருவாகிறது. அவை வெப்பநிலை மற்றும் இயக்க ஆற்றல் ஆகும்.

 நிலநடுக்கோட்டுப் பகுதியில் அதிக வெப்பம் காரணமாக தாழ்வழுத்த பட்டைகளும் துருவ பகுதியில் குறைந்த வெப்பநிலை காரணமாக உயர் அழுத்த பட்டைகளும் உருவாகின்றன.

 இவ்விரு பட்டைகளும் காற்றின் இயக்கம் மற்றும் மோதல் காரணமாக உருவாவதால் இயக்க ஆற்றலினால் உருவாக்கப்பட்ட அழுத்த பட்டைகள் என்று அழைக்கப்படுகின்றன.

 வட தென் துருவ உயரழுத்த பட்டையில் இருந்து வரும் துருவ கிழக்கத்திய காற்று மற்றும் துணை துருவ குறைவழுத்த பட்டை ஆகியவை இணைந்த பகுதியை துருவ செல் என்று அழைக்கிறோம்.

 அழுத்த மண்டலங்களும் மற்றும் முதன்மை காற்றுகளும் அவற்றின் நிலையிலிருந்து 5° வடக்கு மற்றும் 5° தெற்காக சூரியனின் நகர்வோடு ஒத்து நகர்வதால் இவை மாறும் தன்மையை கொண்டுள்ளன.

 பருவக் காற்று மற்றும் சூறாவளி ஆகிய இரண்டும் இரண்டாம் நிலை காற்று அல்லது வட்டார காற்றுகள் என கருதப்படுகின்றன.

 பருவங்களுக்கு இடையே காற்று வீசும் திசை குறைந்தபட்சம் 160° அளவு திரும்புதல் ஆகிய மூன்று முக்கிய இயல்புகளினால் பருவ காற்றானது பிற காற்றுகளில் இருந்து முற்றிலும் வேறுபட்டு காணப்படுகிறது.

 அவை ஆசிய பருவ காற்று மற்றும் தெற்காசிய பருவக்காற்று ஆகும். மேலும் ஆசிய பருவக்காற்று, குளிர்கால பருவக் காற்று மற்றும் கோடைகால பருவ காற்று எனவும் தெற்காசிய பருவகாற்று,தென்மேற்கு பருவகாற்று மற்றும் வடகிழக்கு பருவக்காற்று எனவும் பிரிக்கப்பட்டுள்ளது.

 பசிபிக் பெருங்கடலில் அல்லூசியன் தீவு பகுதியில் உள்ள குறைந்த வெப்பத்தால் உயர் அழுத்தம் ஏற்படுகிறது. இதனால் பசிபிக் பெருங்கடலில் இருந்து காற்று கோடைகாலத்தில் ஆசியாவின் மையப் பகுதியை நோக்கி வீசுவது ஆசியாவின் கோடைகால பருவக்காற்று என அழைக்கப்படுகிறது. அதேபோல் குளிர்காலத்தில் இதற்கு நேர்மாறாக நடைபெறுவதை ஆசியாவின் குளிர்கால பருவகாற்று என்கிறோம்.

தெற்காசிய பருவக்காற்றால் அது இமயமலைக்கு தெற்குப் பகுதியில் உள்ள நாடுகளான இந்தியா, பாகிஸ்தான், வங்காளதேசம், இலங்கை, மாலத்தீவு, நேபாளம் மற்றும் பூட்டான் ஆகிய நாடுகளில் வீசுகிறது.

அரபிக்கடல் கிளை காற்று மேற்கு தொடர்ச்சி மலையில் தடுக்கப்பட்டு செங்குத்தாக மேலே உயர்ந்து மலைத்தடை மழையை உருவாக்குகிறது. எனவே மேற்கு தொடர்ச்சி மலைப் பகுதியின் கிழக்குப் பகுதியுடன் ஒப்பிடும் போது மேற்கு கடற்கரை பகுதியில் அதிக மழைப்பொழிவை கொடுக்கிறது.

அரபிக்கடல் கிளையால் ஏற்படும் தென்மேற்கு பருவக்காற்று கேரளாவில் தொடங்கி வடக்கு நோக்கிப் படிப்படியாக நகர்ந்து மேற்கு கடற்கரைப் பகுதியில் வளர்ச்சி அடைந்து கர்நாடகா, கோவா,மகாராஷ்டிரா, குஜராத் மற்றும் ராஜஸ்தான் ஆகிய பகுதிகளில் பருவமழையை கொடுக்கிறது.

தென்மேற்கு பருவக்காற்று இமயமலையை நோக்கி முன்னேறிச் சென்று இமய மலையின் மீது மோதி, இமயமலை, பஞ்சாப் மற்றும் ஹரியானாவில் ஓரளவு மழையையும் மழையை கொடுக்கிறது

தென்மேற்கில் இருந்து வீசும் வங்காளவிரிகுடா கிளையானது இலங்கையில் மலை தடை மழையை ஏற்படுத்துவதோடு அந்தமான் நிக்கோபார் தீவுகளிலும் மலைத் தடை மழையை கொடுக்கிறது.

 கிரேட் நிகோபார் தீவில் உள்ள இந்திரா முனை மே மாதம் நடுவில் மழை பெறுவதால் இந்தியாவின் தென் மேற்கு பருவ மழையைப் பெறும் முதல் பகுதி ஆகும். இக்காற்று இந்தியாவின் கிழக்கு கடற்கரை மற்றும் கிழக்கு தொடர்ச்சி மலைக்கு இணையாக வீசுகிறது..

 தென்மேற்கு பருவக்காற்று இந்தியாவின் கிழக்கு கடற்கரைக்கு போதிய அளவு மலையை கொடுப்பதில்லை.

 வங்காள விரிகுடா கிளை மியான்மரில் அரக்கன் யோகமா மலைகள் திருப்பப்பட்டு இந்தியாவின் வட கிழக்கு மாநிலங்களை நோக்கி புனல் வடிவில் குவிகிறது. இக்காற்று மேகாலய பீடபூமி, வங்காள தேசம் மற்றும் இந்தியாவின் வட கிழக்குப் பகுதிகளுக்கு மிக அதிக மழையை கொடுக்கிறது. இக்காற்று மேலும் இமய மலைப் பகுதியை நோக்கி நகர்ந்து அதன் தெற்கு சரிவுகளில் அதிக மழையை கொடுத்து பிரம்மபுத்திரா நதியில் வெள்ளப் பெருக்கை ஏற்படுகிறது.

 வடகிழக்குப் பருவக்காற்று தென்மேற்கு திசையை நோக்கி வறண்ட காற்றாக செல்வதால் தெற்காசியாவின் கடலோரப் பகுதியான இந்தியாவின் சோழமண்டலக் கடற்கரை மற்றும் இலங்கை பகுதிகளை தவிர மற்ற பகுதிகளுக்கு மழையை கொடுப்பதில்லை.

 இந்திய துணைக்கண்டம் ஆனது இந்திய பெருங்கடலை விட குளிராக இருப்பதால் காற்று வடகிழக்கு திசையில் இருந்து தென்மேற்கு திசையை நோக்கி வீசுகிறது. இது வடகிழக்கு திசையிலிருந்து வீசுவதால் வடகிழக்கு பருவக்காற்று என்று அழைக்கப்படுகிறது.

 பசிபிக் பெருங்கடலில் அதிகரிக்கும் வெப்பம் இந்திய பெருங்கடலில் உள்ள உயர் அழுத்தத்தை வலுவிழக்க செய்வதால் தெற்காசியாவை நோக்கி வீசும் தென்மேற்கு பருவக்காற்று வலுவிழக்கிறது.ஆனால் குளிர்காலத்தில் இந்திய பெருங்கடல் பகுதியில் தாழ்வழுத்தம் உருவாகி தாழ்வழுத்த மண்டலமாக மாறி வலுவான சூறாவளிகளை உருவாக்குகிறது.

 புவியின் மேற்பரப்பு வெப்பமடைதல் மற்றும் குளிர் அடைவதில் ஏற்படும் வேறுபாடுகள் காரணமாக உருவாகும் அழுத்த சரிவினால் தல அளவில் மூன்றாம் நிலை காற்றுகள் உருவாகின்றன.

 மீனவர்கள் மாலையில் கரைக்கு திரும்ப கடற்காற்று பெரிதும் உதவுகிறது. கடல் காற்றும் நில காற்றும் கடலோரத்தில் படகு போக்குவரத்திற்கு பெரிதும் உதவுவதால் மீனவர்களின் தினசரி நடவடிக்கைக்கு உறுதுணையாகிறது.

 இக்காற்று இரவு நேரத்தில் வீசுகிறது. மீனவர்கள் அதிகாலையில் கடலுக்குள் மீன் பிடிக்க செல்ல நில காற்று உதவுகிறது.

 பகல் நேரத்தில் நிலப்பரப்பையும் பள்ளத்தாக்கின் கீழ் பகுதி மற்றும் பக்கவாட்டு பகுதிகளில் உள்ள காற்றையும் சூரியன் வெப்பப்படுத்துவதால் பள்ளத்தாக்கு காற்று உருவாகிறது.

 மேற்கண்ட நிகழ்வுக்கு மலைக்காற்று என்று பெயர். மழை காற்றும், பள்ளத்தாக்கு காற்றும் மலை உச்சி மற்றும் பள்ளத்தாக்குப் பகுதிகளின் வானிலையை பெரிதும் பாதிக்கிறது.

 இந்த மூடுபனி ஏமன் போன்ற வறண்ட பகுதிகளில் விவசாயம் செய்ய பெரிதும் பயன்படுகிறது. மழை உச்சியானது மாலைவேளையில் மேலே உயரும் பள்ளத்தாக்கு காற்றினால் உருவான மேகங்களால் சூழப்பட்டுள்ளது.

 மேலும் ஃபோரா, மிஸ்ட்ரல், ஹர்மாட்டன், காரபூரன், நார்வெஸ்டர், நார் ஈஸ்டர், காம்சின், பாம்பிரோ, சிமூம், சிராக்கோ மற்றும் சோண்டா ஆகியவை முக்கியமான சில தல காற்றுகள் ஆகும்.

 மேலும் மத்திய பிரான்ஸ் மற்றும் ஆல்ப்ஸ் மலையிலிருந்து மத்தியதரைக் கடலை நோக்கி வீசும் குளிர்ந்த வடக்கத்திய காற்று மிஸ்ட்ரல் என அழைக்கப்படுகிறது.

 மேலும் வடக்கு ஆப்பிரிக்காவில் இருந்து கிழக்கு மத்தியதரைக் கடலை நோக்கி தென்கிழக்காக வீசும் காற்று காம்சின் என்று அழைக்கப்படுகிறது.

 நார்வெஸ்டார் காற்று தென்கிழக்கில் உள்ள ஆல்ப்ஸ் மலையின் மீது ஈரப்பதமிக்க முதன்மை காற்று மோதி மேல் எழுவதால் உருவாகும் காற்று ஆகும். இது நியூசிலாந்தின் தெற்கு தீவின் மேற்குக் கடற்கரைக்கு மழையை கொடுக்கிறது.

 கருப்பு புயல் என்பது மத்திய ஆசியாவில் வீசும் வசந்த காலம் மற்றும் கோடைக்காலம் மழை காற்று ஆகும். இது காரபூரன் என்று அழைக்கப்படுகிறது.

 மேலும் ஆர்ப்ஸ் மற்றும் சுவிட்ஸர்லாந்தின் வடக்கு பகுதியை நோக்கி வீசும் தெற்கத்திய வறண்ட வெப்ப காற்று ஃபான் என்று அழைக்கப்படுகிறது.

 மேலும் சகாரா, இஸ்ரேல், ஜோர்டான், சிரியா மற்றும் அரேபிய பாலைவனத்தில் வீசும் வலுவான வெப்ப வறண்ட காற்று சிமூம் ஆகும்.

 மேலும் வட ஆப்பிரிக்காவிலிருந்து ஐரோப்பாவின் தெற்கு பகுதியை நோக்கி வீசும் தெற்கத்திய காற்று சிறக்கும் என்று அழைக்கப்படுகிறது.

 ஜெட் காற்றுகள் என்பது அதிக உயரத்தில் 6 கி.மீட்டரிலிருந்து 14 கி.மீட்டர் உயரம் வரை வீசக்கூடிய மேற்கத்திய காற்று அமைப்பாகும். இது இரண்டு அரை கோளங்களிலும் அலை வடிவத்தில் மணிக்கு 450 கிலோ மீட்டர் வேகத்தில் மிக அதிக வேகத்துடன் வீசுகிறது.

 ஜெட் காற்றுகள் துருவங்களை சுற்றி வருவதால் அதை துருவங்களை சுற்றும் காற்று என்று அழைக்கிறோம். அதிக உயரத்தில் வீசும் போதும் அவை புவி மேற்பரப்பு வானிலையில் தாக்கத்தை ஏற்படுத்துகிறது.

 ஜெட் காற்றுகள் இரண்டாம் உலகப்போரின்போது கண்டறியப்பட்டது.

 மேற்கண்டவை மட்டுமல்லாமல் தாமதமாக மற்றும் முன்பே வீசும் பருவக்காற்று, தென்மேற்குப் பருவமழையின் திடீர் தாக்குதல் மற்றும் மேற்கத்திய இடையூறு காற்றுகளால் இந்தியாவிற்கு மழையைக் கொண்டு வருதல் ஆகியன ஜெட் காற்றினால் ஏற்படும் விளைவுகளாகும்.

 துருவ மேற்கத்திய ஜெட் காற்று துருவத்திலிருந்து குளிர் வளி முகங்களை வெப்பமண்டலத்தை நோக்கி எடுத்துச் செல்வதால் துருவ சூறாவளி உருவாகிறது.

 இக்காற்று திடீரென விலகுவதால் இந்திய துணை கண்டத்தில் தென்மேற்கு பருவக்காற்று திடீர் மழை பொழிவை ஏற்படுத்துகிறது.

 ஜெட் காற்று விலகும் விகிதத்தைப் பொறுத்து தென்மேற்கு பருவ காற்றானது தாமதமாகவோ அல்லது முன்பாகவோ வீசுகிறது.

 தென்மேற்கு பருவக்காற்று மழைப்பொழிவு அதிகரிக்க இது வழிவகுக்கிறது.

 ஈரப்பதம் என்பது வளிமண்டலத்தில் உள்ள நீராவியின் அளவு ஆகும். காற்றின் வெப்பநிலை காற்றின் நீராவி கொள்ளளவை கட்டுப்படுத்துகிறது.

 காற்றின் பருமன் அதிகரிப்பதால் காற்று ஈரப்பதத்தை எடுத்துக் கொள்ளும் அளவும் அதிகரிக்கிறது. ஈரப்பத கொள்ளளவு ஈரப்பதத்தின் அளவு அல்லது காற்றின் பருமன் என அளவிடப்படுகிறது.

 காற்றின் வெப்பநிலை குறைவதாலோ அல்லது ஈரப்பதத்தின் அளவு அதிகரிப்பதாலோ காற்று பூரித நிலையை அடைகிறது.

 இந்தநிலையில் ஒப்பு ஈரப்பதம் 100 சதவீத அளவை அடைகிறது. அங்கு காற்றானது அதிகப்படியான ஈரப்பதத்தை வெளியேற்றுகிறது. அப்போது சிறிய நீர்த் துளிகள் உருவாகி வளிமண்டலத்திலுள்ள மேகங்களாக மிதக்கிறது.

 அதீத பூரிதமடைதலின் போது சிறிய நீர்த் துளிகள் உருவாகி வளிமண்டலத்தில் மேகங்களாக மிதப்பது போன்று புவியின் மேற்பரப்பில் தரைக்கு அருகில் ஏற்படுமானால் அதனை மூடுபனி என்று அழைக்கிறோம்.

 மேகங்கள் உருவாகுதல், உயரம் மற்றும் தோற்றத்தின் அடிப்படையில் உயரமான மேகங்கள், இடைப்பட்ட மேகங்கள், தாழ் மேகங்கள் மற்றும் மேகங்களின் செங்குத்து பரவல் என வகைப்படுத்தப்படுகிறது.

 பெரும்பாலும் தரைப்பகுதியில் இருந்து ஆறு கிலோ மீட்டர் உயரத்தில் காணப்படும் இறகு போன்ற கீற்று மேகங்களை உயரமான மேகங்கள் என்கிறோம்.

இப்பகுதியில் சூரிய கதிர்கள் எப்போதும் செங்குத்தாக விழுவதில்லை. இங்கு கோடை காலத்தில் நீண்ட பகல், குறுகிய இரவும் மற்றும் குளிர் காலத்தில் நீண்ட இரவு, குறுகிய பகலும் காணப்படும்.

 இது தெளிவான வானிலையையும் ஒளிமிக்க அந்தி வானத்தையும் காட்டுகிறது.

 மேலும் கீற்று படை மேகங்கள் மெல்லிய வெள்ளைத் தாள் போன்றது. வானம் பால் போன்று காட்சியளிக்கிறது. இந்த மேகங்களின் வழியே சூரியனும் சந்திரனும் ஒளிர்வதால் ஒரு ஒளிவட்டத்தை உருவாக்குகிறது.

 இது தெளிவான வானிலையை குறிக்கிறது. மேலும் உயர் படை மேகங்கள் அடர்த்தியான மற்றும் நீர் போன்ற தோற்றத்தைக் கொண்டுள்ளது.

 இது மிகவும் தாழ்வான மேகம் ஆகும். சீரான சாம்பல் நிறத்துடன் அடர்த்தியாகவும் உயர்நில மூடுபனி போன்று தோற்றமளிக்கிறது. இது மந்தமான வானிலை மற்றும் லேசான தூறலை தருகிறது.படைத்திரள் மேகங்கள் அலை அலையாக கரடுமுரடாக காணப்படும்.

 இது மழை, பனி மற்றும் ஆலங்கட்டி மழையை கொடுக்கிறது. இம்மேகம் இருண்ட, மந்தமான, தெளிவான அடுக்குகளை கொண்டுள்ளது.

 இது பெரும்பாலும் திரள் மேகங்களை கொண்டுள்ளது. திரள் மேகம் மற்றும் கார்திரள் மேகம் ஆகியன செங்குத்து பரவல் மேகங்களாகும்.

 இது நிலநடுக்கோட்டு பகுதியில் நடைபெறும் வெப்பச்சலன செயல்முறையோடு தொடர்புடைய கிடைமட்ட அடித்தளத்துடனும் வட்டவடிவ மேல்பகுதியுடனும் காணப்படும் செங்குத்து மேகமாகும்.

 இது செங்குத்தாக நன்கு வளர்ந்த கருப்பு மற்றும் வெள்ளை நிறத்துடன் உருளை வடிவத்தில் காலிஃபிளவர் மேல்பகுதி போன்று பரவி காணப்படுகிறது. இது நிலநடுக்கோட்டுப் பகுதிகளில் அதிக வெப்ப சலனத்தின் காரணமாக உருவாகிறது. இது மின்னல், இடி மற்றும் கன மழையுடன் சேர்ந்து காணப்படும்.

 கடல் காற்றில் அதிக ஈரப்பதம் இருப்பதால் அடர் மூடுபனி பொதுவாக கடலுக்கு அருகில் காணப்படும். குளிர்கால இரவு நேரங்களில் கண்டங்களின் உட்பகுதியில் வெப்பநிலை மிக குறைவாக காணப்படுவதால் இங்கு அடர் மூடுபனி உருவாகிறது.

 அடர் மூடுபனி அமைதியான அல்லது குறைவான காற்று இருக்கும் நிலையில் ஏற்படும். புவி மேற்பரப்புக்கு அருகில் அடர் மூடுபனியானது குறைவான நீர் துளிகளையும், அதிகமான பார்வை நிலையையும் கொண்டிருந்தால் அதை மூடுபனி என அழைக்கிறோம்.

 பெரிய தொழிற்சாலைகள் மற்றும் நகரங்கள் அமைந்துள்ள பகுதிகளில் காற்று மாசுகளினால் பனிப்புகை உருவாகிறது. ( புகை + அடர் மூடுபனி = பனிப்புகை ) இது மக்களின் ஆரோக்கியத்திற்கு மிகவும் ஆபத்தானது.

 நீர் சுழற்சியானது ஆவியாதல், நீர் சுருங்குதல், மழைப் பொழிவு, கிடைமட்டமாக நகர்தல், இடைமறித்தல், நீராவி போக்கு, ஊடுருவல், வழிந்தோடுது மற்றும் கடலை நோக்கி ஓடுதல் போன்றவற்றை உள்ளடக்கியது ஆகும்.

 வெப்பநிலை அதிகமாகும் போதோ, பரந்து விரிந்த நீரின் மேற்பரப்பின் மீது வறண்ட காற்று வீசும் போதோ ஆவியாதல் அதிகமாக நடைபெறுகிறது.

 வளிமண்டலத்தில் வெப்பநிலையானது பனி நிலையை அடையும் போது நீர் சுருங்குதல் நிகழ்வு நடைபெறுகிறது. அனைத்து வடிவங்களிலும் காணப்படும் நீர் வளிமண்டலத்தில் இருந்து புவியை நோக்கி விழுவதை மழைப்பொழிவு என்கிறோம். மிக வறண்ட பகுதியில் மழைத்துளியானது தரைப்பகுதியை வந்தடைவதற்கு முன்பே ஆவியாகி விடுகிறது.

 வளிப் பகுதிகள் பற்றிய ஆய்வு வானிலையியலில் மிக முக்கியமான பகுதியாகும். காற்றானது இருக்கும் இடத்தின் பண்புகளை எடுத்துக் கொண்டு சில நாட்கள் அப்பரப்பின் மீது நிலைத்திருந்து தனது தன்மையை வளர்த்துக் கொள்ளும் சூழலில் இக்காற்றானது வளிப்பகுதியாக அடையாளப்படுத்தப்படுகிறது.

 இம்மண்டலம் நிலம் மற்றும் நீரை ஆதாரமாக கொண்டு உருவாகிறது. எடுத்துக்காட்டாக, சகாரா பாலைவனம், சைபீரியா, வட அமெரிக்காவின் பெரிய சமவெளி, ஐரோப்பாவின் வடக்கு சமவெளி,மேற்கு ஆஸ்திரேலியா, அண்டார்டிகா, கிரீன்லாந்து, ஆர்டிக் பெருங்கடல், வடக்கு மற்றும் தெற்கு பசிபிக், அட்லாண்டிக் பெருங்கடலில் ஆகியவை வளிப்பகுதி அமைவதற்கான சாதகமான ஆதார பகுதிகளாகும்.

 வளிப்பகுதிகள் அட்சரேகையில் வெப்ப மண்டல மற்றும் துருவ வளிப்பகுதிகள் எனவும், புவி மேற்பரப்பின் இயல்பை கொண்டு கண்டம் மற்றும் கடல் வளிப்பகுதிகள் எனவும், வெப்ப நிலையைக் கொண்டு வெப்பம் மற்றும் குளிர் வளிப்பகுதிகள் எனவும், நிலைத்தன்மையை கொண்டு நிலையான மற்றும் நிலையற்ற வளிப்பகுதிகள் எனவும் வகைப்படுத்தப்படுகிறது.

 இரண்டு வெவ்வேறு இயற் குணங்களை கொண்ட வளிப்பகுதிகள் சந்திக்கும் போது காற்று பகுதி ஒன்றுடன் ஒன்று கலப்பது இல்லை. கனமான வளிப்பகுதி போதும் இலகுவான வளிப்பகுதியுடன் போதும் போதும், வளிமுகத்தின் முன்பகுதி எப்போதும் குளிர்ந்த வளிப்பகுதியின் மீது மேலேறி காணப்படும்.

 குளிர்ந்த வளிப்பகுதி வெகு விரைவாக நகர்ந்து சூடான காற்றை செங்குத்தாக மேலே தள்ளுவதால் அதிக சரிவுடன் கூடிய குளிர் வளிமுகம் உருவாகிறது. இதன் விளைவாக மின்னல் மற்றும் இடியோடு சேர்ந்த அதிக மழையை தரும் கார்திரள் மேகம் உருவாகிறது.

 வெப்ப வளிப்பகுதி குளிர் வளிப்பகுதி மீது நகரும் போது அது மென் சரிவை உருவாக்குகிறது. இதை வெப்ப வளிமுகம் என்கிறோம்.

 நிலநடுக்கோட்டு தாழ்வழுத்தப் பட்டைகள் இரண்டு வியாபாரக் காற்று அமைப்புகளும் சந்தித்தாலும் ஒத்த இயற் குணங்களை கொண்டுள்ளதால் ஒன்றோடொன்று மோதுவதில்லை. மாறுபட்ட வளிப்பகுதிகளைக் கொண்ட இரு துணை துருவ தாழ்வழுத்த பட்டைகள் வளிமுகத்தை உருவாக்குகின்றன.