பாறைக்கோளம் – வெளி இயக்கச் செயல்முறைகள் 11th Geography Lesson 8 Questions in Tamil

புவியின் மேற்பரப்பில் ஏற்படக் கூடிய சக்தியை புவி வெளி இயக்கச் சக்தி அல்லது வெளிப்புறச் சக்தி என அழைக்கின்றோம். வெளி இயக்க செயல்முறையினால் பாறைகள் சிதைவுறுவதை நிலச்சிதைவு சக்திகள் என்கிறோம்.

வெளிப்புற சக்திகளின் தாக்கத்தினால் புவி மேற்பரப்பில் நிகழும் செயல்முறையை வெளி இயக்க செயல்முறை என அழைக்கிறோம். பாறை சிதைவு, பருப்பொருள் சிதைவு, நிலத்தேய்வு ஆகியவை முக்கியமான வெளி இயக்க செயல் முறைகள் ஆகும். இந்த வெளி இயக்க செயல்முறைகளை செய்யவில்ல இயற்கைக் கூறுகளை நிலமட்டம் சமமாக்கும் காரணிகள் என அழைக்கிறோம். எடுத்துக்காட்டாக, காற்று, ஆறு, கடல் அலைகள், பனியாறுகள் மற்றும் நிலத்தடி நீர்.

பாறைகளின் சிதைவுறுதல் மற்றும் வேதிப்பிரிகையை பாறை சிதைவு என்கிறோம். காலநிலை, தாவரங்கள், விலங்குகள் மற்றும் பிற உயிரிகளால் பாறைகளானது இயற் - வேதியியல் - உயிரினச் சிதைவுகளால் உடைகின்றன. இயற் பாறைச் சிதைவு, வேதியியல் பாறைச் சிதைவு மற்றும் உயிரின பாறைச் சிதைவு என பாறைச் சிதைவு மூன்று வகைப்படும்.

வானிலை கூறுகளின் தூண்டுதலால் பாறைகள் உடைதலை இயற்சிதைவு என்கிறோம். சிறிய கூறிய பாறைத் துண்டுகளாக இப்பாறையில் இருந்து உருவாகின்றது. வெப்பநிலை மாற்றம், அழுத்தம், நீர் மற்றும் காற்று ஆகியவற்றின் மாற்றத்தினால் இது ஏற்படுகிறது. இயற்சிதைவானது வெப்பச் சிதைவு, உறைபனி உடைப்பு மற்றும் பரப்பு விரிசல் என மூன்று வகையாகப் பிரிக்கப்பட்டுள்ளது.

வறண்ட மற்றும் அரை வறண்ட பகுதிகளில் வெப்பநிலை அதிகரிப்பதனால் பகல் நேரங்களில் வெப்பநிலையானது அதிகரிப்பதால் பாறை வெப்பமாகி விரிவடைகிறது. இரவு நேரங்களில் பாறை குளிரால் பாறை சுருங்குகிறது. இந்த வேறுபட்ட தீவிர வெப்பநிலை மாற்றத்தால் பாறைகளில் விரிசல் ஏற்பட்டு, இரண்டாக உடைகிறது.

வெப்பநிலை மாற்றங்களின் விளைவாக பாறை கனிமங்கள் விரிவடைதல் மற்றும் சுருங்குவதால் பாறைகள் குருணை வடிவில் சிறு சிறு துண்டுகளாக உடைகின்றன. இதனை குருணையுரு சிதைவு என்கிறோம்.

மிக அதிக வெப்ப மாறுவிகிதத்தினால் தீப்பாறை அல்லது படிவு பாறையில் உள்ள வெடிப்பின் வழியாக பாறைகளில் பெரிய செவ்வக வடிவ தொகுதிகளாக உடைகின்றது. இதனை பிளாக் சிதைவு என்கிறோம். இது பெரும்பாலும் கிரானைட் பாறைகளில் ஏற்படுகின்றது.

உறைதலின் போது கிட்டத்தட்ட திரவங்கள் அனைத்தும் சுருங்கும். ஆனால் நீர் உறைதலின் போது அது பெரிதாகி அல்லது அதிக இடத்தை பிடிக்கும். நீர் விரிவடைவதால் பாறைகளில் பெரும் அழுத்தம் ஏற்படுகிறது. நீர் பாறைகளின் வெடிப்பில் சென்று உறையும் பொழுது பாறைகளின் மீது செலுத்தப்படும் அழுத்தமானது வெடிப்பின் சுவர்களை பிளக்க ஏதுவாக இருக்கிறது. இதனால் பாறையில் உள்ள வெடிப்பு விரிவடைந்து ஆழம் அடைகிறது. இவ்வாறு உறைபனி உடைப்பினால் பாறை சிதைவு ஏற்படுகிறது.

பொதுவாக பாறைகளின் மேற்பரப்புகள் அதிக அளவில் வெப்பமடைகிறது அல்லது குளிர் அடைகிறது. வெப்பநிலையில் ஏற்படும் மாற்றம், வெங்காயத்தோல் உரிதல் போன்று பாறைகளின் மேற்புற பகுதிகள் தனித்தனி பகுதிகளாக பிரிந்து விடும். பாறைகளில் இருந்து வளைந்த பாறை தகடுகள் உடைந்து அரைக் கோள வடிவ ஒற்றைக்கல் தோற்றத்தை ஏற்படுத்தும் செயல்முறையை பரப்பு விரிசல் என்று அழைக்கிறோம். இது பொதுவாக வறண்ட பகுதிகளில் ஏற்படுகின்றது.

வேதியியல் சிதைவு என்பது பாறைகளின் வேதிப் பிரிகை ஆகும். எடுத்துக்காட்டாக, வேதியியல் சிதைவானது கிரானைட் பாறையில் இருந்து உருவான கியோலினைட் போன்ற மாற்றி அமைக்கப்பட்ட பாறை பொருட்களை உருவாக்குகிறது.

பாறைகளில் உள்ள நீரில் கரையக்கூடிய சில கனிமங்கள் நீருடன் சேரும்போது கரைந்துவிடும். காலப்போக்கில் பாறைகளில் உள்ள கனிமங்கள் கரைந்து சில சமயங்களில் குகைகள் உருவாகலாம்.

ஆக்ஸிஜன், நீர் மற்றும் இரும்புடன் சேரும் நிகழ்வான ஆக்ஸிகரணமானது பாறைகளை வலுவற்ற தாக்கி உடைத்து விடும். எடுத்துக்காட்டு: இரும்பு துருப்பிடித்தல்.

நீருடன் சேரும்போது வேதியியல் முறையில் பாறைகள் சிதைந்து, நீரில் கரையாத களிமண் போன்ற படிவுகளை உருவாக்குகிறது.

கார்பன் டை ஆக்சைடு நீருடன் கலந்து கார்போனிக் அமிலமாக மாறும் நிகழ்வு கார்பனேற்றம் என்று அழைக்கப்படுகிறது. கார்போனிக் அமிலமானது பாறைகளில் உள்ள கனிமங்களுடன் வினை புரிகிறது. இவ்வகை பாறைச் சிதைவானது குகைகள் உருவாவதில் முக்கிய பங்கு வகிக்கிறது.

நீரேற்றம் என்பது பாறைகளில் உள்ள கனிமங்களில் நீர் உட்கிரகிக்கப்படுவதாகும். நீரேற்றம் பாறைகளின் பரும அளவை அதிகரித்து சிதைவடையச் செய்கிறது. நீரற்ற கால்சியம் சல்பேட் நீரை உட்கிரகிக்கும் போது ஜிப்சம் ஆக உருவாவது நீரேற்றத்திற்கு சிறந்த உதாரணமாகும்.

குழி மற்றும் விரிசல்களை உண்டாக்கும் மண்புழுக்கள், கரையான், எலிகள் போன்ற உயிரினங்கள் ஈரப்பதம் மற்றும் காற்றினை உட்புகுத்தி பாறைகளின் மேற்பரப்பில் வேதியியல் மாற்றங்கள் ஏற்பட வழி வகுக்கின்றன. தாவரங்களின் வேரானது பாறைகளின் மீது அதிக அழுத்தத்தினை ஏற்படுத்தி அவற்றை உடைக்கும்.

புவியீர்ப்பு விசையால் ஏற்படும் மிகப் பெரிய பாறைகளின் தொகுதி, மண் மற்றும் தூசுகள் போன்றவற்றின் நகர்வை பொருள் சிதைவு என்கிறோம். இதனை பாறை பொருள் அசைவு அல்லது சரிவு நகர்வு என்றும் அழைக்கலாம். பாறை பொருள்களின் அசைவு திடீரென்றோ அல்லது மெதுவாகவோ ஏற்படலாம்.

பொதுவாக, நகரும் பொருட்களின் வகை ( சேறு, மண் மற்றும் பாறை ) மற்றும் நகரும் விதத்தைப் பொறுத்து வீழ்ச்சி, சரிவு, வழிதல் என பாறை பொருள்களின் அசைவு வகைப்படுத்தப்பட்டுள்ளது.

செங்குத்தான பாறையில் இருந்து பாறைத் துண்டுகள் உடைந்து வீழ்வதை பாறை வீழ்ச்சி என்கிறோம். உறைபனி உடைப்பினால் பெரிய பாறைத் தொகுதிகள் தளர்த்தப்படுவதால் பாறைகள் விழுகின்றன. செங்குத்தான சரிவின் அடித்தளத்தில் பாறைக் கூளங்கள் குவிவதை மலையடி பாறைக்குவியல் என்கிறோம்.

பொதுவாக பாறை சரிவு ஒரு வலுவில்லாத பாறைப் பகுதியில் ஏற்படுகிறது. இங்கு நீர் உள்ளதால் வழுக்கல் அதிகரிக்கிறது. இதனால் சரிவின் கீழ்ப்பகுதியில் பாறைகள் ஒன்றோடு ஒன்று மோதி சிறிய பாறை துண்டுகளாக உடைவது பாறை சரிவு ஆகும்.

நிலச்சரிவுகள் நிலநடுக்கங்கள் மற்றும் மிகவும் அதிகமான மழைப்பொழிவின் காரணமாக ஏற்படுகிறது.

சரிவின் அடித்தளத்தில் அரித்தல் ஏற்படுவதால் அதன் மேல் உள்ள படிவுகளை தாங்கும் தன்மை குறைந்து மண் வீழ்ச்சி ஏற்பட முக்கிய காரணமாக அமைகிறது.

கூளம் முழுவதும் நீருடன் கலந்து, சேறு போல் வழியும். இது பொதுவாக மிகப்பெரிய பாறைகளை கொண்டு வருவதால் இவை அதிக அழிவை ஏற்படுத்தும். புவியின் பாறைப் பொருளானது மலையிலிருந்து கீழே திரவத்திரள் போன்று வழிவதை மண் வழிதல் என்கிறோம். வழக்கமாக ஈரப்பதமான செங்குத்துச் சரிவின் புயலின் போது ஏற்படும் நீர் நிரம்பிய அடர்த்தியான களிமண் பகுதியில் பாறை கூளம் வழிதல் ஏற்படுகிறது.

நிலமட்டம் சமமாக்கல், அரித்தலினால் சமப்படுத்துதல் மற்றும் படிவுகளால் நிரப்பப்படுதல் என வகைப்படுத்தப்படுகிறது. புவியின் மேற்பரப்பை அரிக்கும் செயல் முறையை அரித்தலினால் சமப்படுத்துதல் என்றும் புவியின் ஆழமான பகுதிகளை நிரப்புதலை படிவுகளால் நிரப்பப்படுதல் என்றும் அழைக்கிறோம்.

புவியின் மேற்பரப்பில் செயல்படும் சக்திகள் நிலை மட்டும் சமமாக்கும் காரணிகள் எனப்படும். நீர், அலைகள், காற்று, பனி போன்றவை முக்கிய நிலமட்டம் சமமாக்கும் காரணிகளாகும்.

ஆறுகள் அவை செல்லும் வழியில் உள்ள பாறைகளை அரிப்பதற்கான மிக அதிக திறனை கொண்டுள்ளது. இவைதான் ஆறுகளில் கிளை ஆறுகள் உருவாவதற்கு காரணமாக உள்ளன. ஆற்றின் அரிப்பு தன்மையானது ஆற்று நீரின் கனஅளவு மற்றும் ஆற்றின் வேகத்தை பொருத்ததாகும்.

காற்றின் அரித்தல் பணியானது இயற் மற்றும் வேதியியல் முறைகளில் நடைபெறுகிறது. ஆற்றின் அரித்தல் பணி நீர்தாக்கம், உராய்வு, கரைசல், மோதித் தேய்தல் போன்ற முறைகளில் நடைபெறுகிறது.

புரண்டோடும் ஆற்று நீரின் விசையின் காரணமாக ஆற்றின் பாதையில் உள்ள பாறைகள் உடைவதை நீர்த்தாக்கம் என்கிறோம்.

ஆற்றுப்படுகை மற்றும் ஆற்றங்கரை ஆற்று நீரால் கொண்டுவரப்படும் பாறைத் துகள்களால் அரிக்கப்படுவதை உராய்வு என்கிறோம்.

ஆற்று நீரில் கரையக்கூடிய கனிமங்களின் செயல்முறையை கரைசல் என்கிறோம்.

உடைக்கப்பட்ட பாறை துகள்கள் ஆற்று நீரால் கடத்தப்படுவதை கடத்துதல் என்கிறோம். அரிப்பு செயலுக்குப் பிறகு அரிக்கப்பட்ட பாறைத் துகள்களே ஆறுகள் கடத்துகின்றன. கடத்துதல் இழுத்தல், துள்ளல், தொங்குதல் மற்றும் கரைசல் என நான்கு முறைகளில் நடைபெறுகிறது.

மென் சரிவில் ஆற்றின் வேகம் குறைவதால் அவை படிவுகளை படிய வைக்கும். ஆறு, முதலில் பெரிய மற்றும் சிறிய படிவுகளை படிய வைக்கிறது. பிறகு மிகவும் நுண்ணிய பொருட்களை ஆற்றின் முகத்துவாரத்தில் படிய வைக்கிறது.

இந்த நிலையை இளம்நிலை அல்லது மலை நிலை என்றும் அழைக்கப்படுகிறது. இங்கு ஆற்றின் திசைவேகம் மற்றும் வேகம் மிக அதிகமாக உள்ளது. ஏனென்றால் இது செங்குத்து சரிவை கொண்டுள்ளது. செங்குத்து அரித்தல் இந்நிலையில் முதன்மையான வேலையாகும். இதன் காரணமாக பள்ளத்தாக்குகள் உருவாகிறது.

ஆறு உருவாகும் இடத்தை தொடங்கும் இடம் என்று கூறலாம். மலை நிலையில் சிறிய நீரோடைகள் அதிக எண்ணிக்கையில் வெவ்வேறு இடங்களில் இருந்து உருவாகின்றன அவற்றை துணையாறுகள் என்று கூறுவார்கள். ஒரு மலையின் இரு பக்கங்களில் இருக்கும் இரண்டு நதி அமைப்புகளை நீர் பிரிப்பு என்கிறோம்.

இது ஆற்றின் முதிர்ந்த நிலையாகும். இங்கு செங்குத்து அரித்தல் அல்லது பள்ளத்தாக்கின் ஆழப்படுத்துதல் கணிசமாக குறைகிறது.

இடைநிலையில் பக்கவாட்டு அரித்தலின் காரணமாக பள்ளத்தாக்கு அகலமாகிறது. ஆற்று நீரின் கன அளவு அதிகரிக்கிறது மற்றும் அதன் சரிவானது மிதமாக உள்ளது. இங்கு ஆற்றின் ஆழம் அதிகமாக உள்ளது.

ஆற்றின் இறுதி நிலையில் பள்ளத்தாக்குகள் மிகவும் பரந்து மற்றும் பொதுவாக மென்சரிவை கொண்டிருக்கும். பெரும்பாலான அரிப்பு சமவெளியானது குறைந்த மக்கள் வாழக்கூடிய செங்குத்தான சரிவுகளை கொண்ட ஒண்டிக்குன்றாக உருவாகிறது.

இறுதி நிலையில் ஆற்றின் ஆழம் குறைவாக இருக்கும். ஆறு இறுதியில் சென்றடையும் இடத்தை முகத்துவாரம் என்கிறோம். எடுத்துக்காட்டு கடற்கரை, ஏரி.

மலை நிலையில் சிறிய நீரோடைகள் அதிக எண்ணிக்கையில் வெவ்வேறு இடங்களிலிருந்து உருவாவது துணையாறுகள் என்று அழைக்கப்படுகிறது. முதன்மை ஆறானது பல சிறிய ஆறுகளாக பிரிவதை கிளையாறுகள் என்கிறோம்.

பள்ளத்தாக்குகளில் கீழ்நோக்கி அரித்தல் காரணமாக மலையிடுக்குகள் உருவாகின்றன.

அமெரிக்க ஐக்கிய நாட்டின் அரிசோனா மாகாணத்தில் உள்ள கொலராடோ ஆற்றின் கிராண்ட் பள்ளத்தாக்கு 482.8 கிலோ மீட்டர் நீளமும் 2088.3 மீட்டர் ஆழமும் உடையது. இது உலகின் மிகப்பெரிய செங்குத்து பள்ளத்தாக்கு ஆகும்.

ஆந்திரப் பிரதேசத்தில் பென்னார் ஆற்றின் மீது அமைந்துள்ள கண்டிகோட்டா இந்தியாவின் மறைக்கப்பட்ட கிராண்ட் செங்குத்து பள்ளத்தாக்கு என்று அழைக்கப்படுகிறது. இந்த பள்ளத்தாக்கின் மேல் சிறப்பு வாய்ந்த கண்டி கோட்டா கோட்டை அமைந்துள்ளது.

ஆற்றின் அரித்தல் காரணமாக உருவாகிய நிலத்தோற்றங்களில் பள்ளத்தாக்குகள் குறிப்பிடத்தக்கது. செங்குத்தான சரிவு மற்றும் நீரின் அதிக கன அளவு காரணமாக ஆற்றுப்படுகை செங்குத்தாக அரிக்கப்பட்டு குறுகிய மற்றும் ஆழமான பள்ளத்தாக்குகள் உருவாகின்றன. அதை V - வடிவ பள்ளத்தாக்கு என்கிறோம்.

வலுவான நீரோட்டங்கள், ஏராளமான தடைகள் மற்றும் ஆற்றுப் படுகையில் உள்ள படிக்கட்டுகளை கொண்டுள்ள ஆற்றின் பகுதியை துள்ளல் அருவி என்கிறோம். ஆற்றுப்படுகையில் நீர் செங்குத்தாக வீழ்வதை நீர்வீழ்ச்சி என்கிறோம்.

மிகத் தீவிரமான அரிப்பினால் நீர்வீழ்ச்சி மற்றும் துள்ளல் அருவி ஏற்படுகின்றன. ஒரு ஆற்றில் பல நீர்வீழ்ச்சிகள் தொடர்ந்து காணப்படுவதை தொடர் அறிவு என்கிறோம்.

வெனிசுலாவில் உள்ள ஏஞ்சல் நீர்வீழ்ச்சி உலகின் மிக உயரமான நீர்வீழ்ச்சியாகும். இதன் உயரம் 979 மீட்டர். இது நயாகரா நீர்வீழ்ச்சியை விட 15 மடங்கு அதிக உயரத்தை கொண்டது.

“V” வடிவ பள்ளத்தாக்கின் எதிர் எதிர் பக்கத்தில் முனைப்பான மலைத்தொடர் உருவாகும் அதை பின்னப்பட்ட குவடு என்கிறோம். இது மேற் பொருந்திய குவடு என்றும் அழைக்கப்படுகிறது. இதன் வழியே ஆறானது வளைந்தும் நெளிந்தும் செல்கிறது.

குடக் குடைவு எப்பொழுதுமே உருளை வடிவில் காணப்படுகிறது. மணற்கல் மற்றும் கருங்கல் போன்ற பெரிய துகள்களை கொண்ட பாறைகளில் பொதுவாக குடக் குடைவு உருவாகிறது.

பள்ளத்தாக்கின் அடிவாரத்தின் இரு பக்கங்களில் காணப்படும் குறுகிய படிக்கட்டுகள் போன்ற தட்டையான மேற்பரப்பை ஆற்று திடல் என்கிறோம்.

பொதுவாக ஆறுகள் விட்டுச் செல்லும் வறண்ட மற்றும் அரை வறண்ட மலைத்தொடரின் அடிவாரத்தில் விசிறிகள் காணப்படுகின்றன. சரளை, மணல் மற்றும் சிறிய துகள்களை கொண்ட விசிறி வடிவில் உள்ள படிவுகளை வண்டல் விசிறிகள் என்கிறோம்.

ஆற்றின் வளைவு மற்றும் நெளிவை மியாண்டர் என்கிறோம். ஆற்றின் அரித்தல் மற்றும் படிதல் செயல்முறைகளின் விளைவாக ஆற்று வளைவு உருவாகிறது. வெள்ளச் சமவெளியில் செங்குத்து அரித்தல், பக்கவாட்டு அரித்தல் மற்றும் படிதல் காரணமாக ஆற்றின் வளைவு உருவாகிறது.

இது குதிரைலாட வடிவில் காணப்படுவதால் இந்த நிலத்தோற்றம் குதிரைக் குளம்பு ஏரி என்று அழைக்கப்படுகிறது.

அடிக்கடி வெள்ளப்பெருக்கு ஏற்பட்டு வண்டல் படிவுகள் படிதல் காரணமாக ஆற்றின் படுகை மற்றும் கரையோரங்கள் உயர்த்தப்படுவதை உயரணை என்கிறோம். வெள்ளச் சமவெளி ஆற்று கிளைகளின் கரையிலிருந்து பள்ளத்தாக்கின் சுவர் வரையில் பரவி காணப்படுகிறது. அதிகப்படியான ஆற்று நீரின் வெளியேற்றத்தினால் வெள்ளப் பெருக்கு ஏற்படுகிறது.

எஸ்சுவரி “ Estuary “ என்ற சொல் இலத்தீன் மொழியின் எஸ்சுவரியம் “ Estuarium “ என்ற சொல்லிலிருந்து பெறப்பட்டது. அதன் பொருள் கடலின் ஓத நுழைவாயில் ஆகும். ஏஸ்டஸ் “ aestus “ என்ற சொல்லின் பொருள் ஓதம் என்பதாகும்.

ஒன்றுக்கு மேற்பட்ட ஆறுகள் கடலில் உள்ள உவர் நீருடன் கலக்குகின்ற கரையோரப் பகுதிகள் கடலுடன் திறந்த இணைப்புடனும் காணப்படுவதை கழிமுகம் என்கிறோம். உவர் நீர் மற்றும் நன்னீர் சேரும் இடமானது வளமான மற்றும் ஊட்டச்சத்து மிகுந்ததாக நீரிலும் மற்றும் வண்டல் படிவிலும் காணப்படுகிறது. எகா. குஜராத்தில் உள்ள நர்மதா ஆற்றில் அமைந்துள்ள கழிமுகம்.

ஆற்றின் முகத்துவாரத்தில், முக்கோண வடிவ நிலத்தோற்றம் வண்டல் படிவுகளால் உருவாகிறது. அதை டெல்டா என்கிறோம். நான்காவது கிரேக்க எழுத்தான டெல்டா வடிவில் இந்த நிலத்தோற்றம் இருப்பதால் இப்பெயர் உருவானது.

நைல் டெல்டா எகிப்தில் அமைந்துள்ளது. சீன் ஆறு பிரான்சில் அமைந்துள்ளது. லோ லேன்னே ஆற்று டெல்டா அயர்லாந்தில் அமைந்துள்ளது. மிசிசிப்பி ஆற்று டெல்டா அமெரிக்க ஐக்கிய நாட்டில் அமைந்துள்ளது.

ஒரு ஆறு தனது முகத்துவாரத்தை மாற்றிக் கொள்ளும் போது ஏற்கனவே அந்த நதியால் உருவான டெல்டா கைவிடப்படுகிறது. அத்தகைய டெல்டா விடுபட்ட டெல்டா என்று அழைக்கப்படுகிறது.

ஆண்டு முழுவதும் பனி படர்ந்துள்ள இடங்களே பனிக்களம் ஏற்படுகிறது. உறைபனி கோடு எனும் கற்பனைக் கோடானது நிலையான பனிக்களம் இருக்கும் பகுதியை குறிப்பதாகும். பனி அதிகமாக குவிந்து மலைச் சரிவில் இருந்து நீக்கப்படுவதால் பனியாறுகள் ஏற்படுகின்றன.

உலகின் மிகப்பெரிய பனியாறு அண்டார்டிகாவில் உள்ள லேம்பார்ட் பனியாறாகும். இது 96 கிலோ மீட்டர் அகலமும், 435 கிலோ மீட்டர் நீளமும் மற்றும் 2500 மீட்டர் ஆழமும் கொண்டது.

உறைபனி கோட்டிற்கு மேல் தான் எப்பொழுதும் பனிக்களமானது அமைகிறது. உறைபனி கோட்டிற்கு கீழ் இருந்து பனியாறு உருவாகிறது. பனியாறுகள் ஒரு நாளில் 1 மீட்டர் என்ற சராசரி வேகத்தில் நகர்கிறது.

ஓர் இடத்தின் இயற்கை தோற்றங்கள் அட்சக்கோடு, பனிப்பொழிவின் அளவு, காற்றின் திசை ஆகியவற்றைப் பொறுத்தே உறைபனி கோடானது இடத்திற்கு இடம் வேறுபடுகிறது. உலகில் 96% பனியாறுகள் அண்டார்டிகாவிலும், கிரீன்லாந்திலும் காணப்படுகின்றன

துருவப்பகுதிகளில் உள்ள கடலில் படர்ந்துள்ள பனி மற்றும் பனிக்கட்டிளே பனிகவிகை எனப்படுகிறது. மிக அதிக அளவில் குவியும் பணி மற்றும் பனிக்கட்டிகள் மிகப் பரந்த பரப்பளவை கொண்டிருக்கும்.

மலை மற்றும் பள்ளத்தாக்கு பனியாறுகள் தொடர்ந்து நிகழும் போது மலையடிவாரத்தில் மலையடி பனியாறுகள் உருவாகின்றன. இமயமலையின் உயரமான பகுதிகளிலும், மேலும் இவ்வகையான உயரமான மலைத் தொடர்களிலும், பள்ளத்தாக்கு அல்லது ஆல்பைன் பனியாறுகள் காணப்படுகின்றன.

நகரும் பனிக்கட்டி அல்லது பனியாறு நகர்தல், வேகம் மற்றும் நில அமைப்பு ஆகிய சில பண்புகளை கொண்டுள்ளது. பனியாறுகளின் நகரும் வீதமானது மிக மெதுவாகவே காணப்படுகிறது. மலை ஏறுபவர்களுக்கு இந்த பனியாற்று பிளவுகள் மிகவும் ஆபத்தானவை.

பனியாறுகள் நகரும் பொழுது அரிக்கப்பட்ட பாறை துண்டுகளையும் பாறாங்கற்களையும் இழுத்துச் செல்கின்றன. பனியாறுகள் பாறையின் மேற்பரப்புகளில் பள்ளங்களையும் கீறல்களையும் ஏற்படுத்துகின்றன. பனியாறு சக்திவாய்ந்ததால் பல்வேறு நிலத்தோற்றங்களை ஏற்படுத்துகிறது. இவை அரித்தல் மற்றும் படிய வைத்தால் தோன்றும் நிலத்தோற்றங்களாக வகைப்படுத்தப்படுகின்றன.

இவை மட்ட பள்ளம் எனவும் அழைக்கப்படுகிறது. இது செங்குத்து சரிவை கொண்ட மூன்று பக்கவாட்டு பகுதிகளையும் ஒரு பக்கத்தில் திறந்தவெளி நிலையாகவும் சமதள அடிப்பகுதியையும் கொண்ட பள்ளமாகும். பனி உருகும் பொழுது சர்க்குகள் டார்ன் ஏரிகளாக உருவெடுக்கின்றன. இவை மொத்தத்தில் ஒரு பெரிய கை நாற்காலி போன்ற வடிவினை பெறுகின்றன.

பனியாறுகளால் இருபக்கத்திலும் அரிக்கப்பட்டு செங்குத்து சரிவையும் கூர்மையான பல் முனைகளைக் கொண்ட பல முகடுகளை செங்குத்து முகடுகள் என்கிறோம்.

செம்மறியாடு பார்வை என்பது வட்டமான குமிழ்களை போன்ற தோற்றம் கொண்டவை. இது ஆற்றின் மேல் நிலை பகுதியில் பனியாற்றின் அரித்தலினால் சாய்ந்த மென் சரிவுகளை கொண்டதாக அமையும். பனியாற்றின் கீழ்நிலை பகுதியில் பனியாற்றின் பறித்தல் செயலினால் ஏற்பட்ட ஒழுங்கற்ற துண்டிக்கப்பட்ட வன்சரிவினை கொண்டதாக அமையும்.

தனி நெடும் பாறை பனி களத்தில் ஒரு தீவு போல் தனித்து காணப்படுகிறது. பியர்டுகள் பொதுவாக, நார்வே, கிரீன்லாந்து மற்றும் நியூசிலாந்து பகுதிகளில் அதிகம் காணப்படுகிறது.

பனியாற்றின் இரு பக்கங்களிலும், இணையாக செல்லும் பாறைப் படிவு முகடுகளே பக்கவாட்டு மொரைன்கள் எனப்படுகிறது. இவ்வாறு பள்ளத்தாக்கின் பக்கவாட்டு பாறையுடன் உராய்ந்து மொரைன்கள் படிவிக்கப்படுவதால் பள்ளத்தாக்கின் பக்கவாட்டில் உயரமான முகடுகள் ஏற்படுகின்றன. ஆல்பைன் பனியாற்று பகுதிகளில் பெரும்பாலும் படுகை மொரைன்கள் பக்கவாட்டு மொரைன்களுக்கு இடையில் படிவிக்கப்படுகின்றன.

இரண்டு பனியாறுகள் இணைந்து பனியாற்றின் ஓரங்களில் படிய வைக்கும் மொரைன்கள் ஒன்றிணைந்து உருவாக்கப்பட்டவையாகும்.

மெதுவாக செல்லும் பனியாறுகளே, மிக அதிகமான பாறை படிவுகளை படிய வைக்கின்றன. மேலும் இவ்வாறு படிவை ஏற்படுத்த பனியாறுகள் அதிக கால அவகாசத்தை எடுத்துக் கொள்கின்றன. விளிம்பு மொரைன் முடிவு மொரைன் என்றும் அழைக்கப்படுகிறது.

கற்குவியல் என்பது பனிக்கட்டி நகரும் திசைக்கு இணையாக அமைந்துள்ள தாழ்வான செங்குத்துச் சரிவு கொண்ட குன்றுகள் ஆகும்.

இது யூகோஸ்லேவியா (தற்போதைய குரோஷியா மற்றும் ஸ்லோவேனியா) நாட்டு மொழிச் சொல்லான கார்ஸ் என்பதிலிருந்து பெறப்பட்டது.

ஆறுகள் மற்றும் பனியாறுகளைப் போலவே, நிலத்தடி நீரும் அரித்தல் செயல்களினால் பல்வேறு நிலத்தோற்றங்களை ஏற்படுத்துகின்றது. அவை உறிஞ்சி துளைகள், டோலைன், லாப்பிஸ்கள், உவாலா, போல்ஜெ மற்றும் குகைகள் ஆகும்.

குறிஞ்சி துளைகள் என்பது ஓரளவிற்கு வட்டமான துளையை மேல்பகுதியிலும், உள்நோக்கி உள்ள கீழ்ப்பகுதி புனல் வடிவிலும் அமைந்துள்ள பள்ளங்கள் ஆகும்.

டோலைன்கள் உருளை, கூம்பு மற்றும் கிண்ண வடிவத்தில் காணப்படும். டோலைன் என்ற வார்த்தை ஸ்லோவேனியா மொழியிலுள்ள டோலினா என்ற சொல்லிலிருந்து பெறப்பட்டது

பல உறிஞ்சி துளைகள் ஒன்றிணைந்து நொறுங்குவதால் போல்ஜெ உருவாகின்றது. இந்த வடிவ நிலங்கள் பெரும்பாலும் 250 சதுர கிலோ மீட்டர் வரை பரவி காணப்படுகின்றன. மேலும் இவை மறைந்து போகும் ஆறுகளை வெளிப்படுத்துகிறது. இவ்வகையான வடிநிலங்கள் 50 மீட்டர் முதல் 500 மீட்டர் வரையிலான உயரத்தை உடைய மிகுந்த சரிவுடன் கூடிய சுவரை கொண்டு குருட்டுப் பள்ளத்தாக்குகளை உருவாக்குகின்றன.

குகைகளின் மேல் துளைகளின் வழியே நீரோடைகள் வடிகின்றன. குகையின் உள்ளே குகைத் திரைகள், கல் விழுதுகள், கல்முனைகள் போன்ற படிவித்தல் நிலத்தோற்றங்கள் உருவாகின்றன.

குகையின் மேற்கூரையிலிருந்து நீளமான வெடிப்புகளின் வழியே சொட்டுகின்ற மழைநீரானது ஒரு தொடர்ச்சியான துண்டு சுண்ணாம்புக்கல் படிவங்களை ஏற்படுத்துகின்றது. இவையே குகைத் திரைகள் எனப்படுகின்றன.

குகை கூரை வெடிப்பிலிருந்து சொட்டுகின்ற, கரைந்த சுண்ணாம்புக்கல் கலந்த நீரானது கீழே இறங்குகிறது. இவ்வாறு சொட்டுகின்ற நீரிலுள்ள கார்பன்டைஆக்ஸைடு நீக்கப்பட்டு, சுண்ணாம்பு கலவை மட்டுமே வடிவிக்கக்கப்படுகிறது.

கல் விழுது என்பது தொங்கு பனி போன்று கால்சியம் கார்பனேட் படிவுகள் கீழ்நோக்கி படிவதாகும். அதேபோல் கல்முனை எனப்படுவது குகையின் தரைப்பகுதியில் இருந்து மேல் நோக்கி காணப்படும் கால்சியம் கார்பைட் கரைசல் படிவுகளாகும். கல் விழுதுகளும், கல்முனைகளும் சில நேரம் ஒன்றிணையும் பொழுது கல்தூண்கள் குகை தரையில் உருவாகின்றன.

வறண்ட பகுதியில் காற்றின் வேகம் அதிகமாதலால் அரித்தல் மற்றும் படிவித்தல் செயல்களை செய்கின்றது. காற்றில் அரித்தல் மற்றும் படிவித்தல் செயல்களினால் ஏற்படும் நிலத்தோற்றங்கள் காற்றுவழி நிலத்தோற்றங்கள் என அழைக்கப்படுகின்றன

தூற்றுதல் பாலைவனத்தில் பள்ளங்களை ஏற்படுத்துகிறது. இந்தப் பள்ளங்கள் நீரால் நிரப்பப்படும் போது பாலைவனச் சோலைகள் உருவாகின்றன.

காற்று வீசும் திசைக்கு இணையாக 1 முதல் 10 மீட்டர் உயரம் வரை பரந்த அமைப்பிலான பாறைகள் அரிக்கப்பட்டு குறுகிய பள்ளத்துடனும் குழிகளுடனும் ஒழுங்கற்ற பாறை முகடுகளாக காணப்படும் நிலத்தோற்றமே யார்டாங் எனப்படும். இவை காற்றின் பல்வேறுபட்ட அரித்தல் செயல்களினால் ஏற்படுகின்றது.

ஏரிகளில் காணப்படும் மணல் துகள்களை எடுத்து செல்லும் காற்று எதிரே உள்ள பாறைகளின் வலுவற்ற பகுதிகளை அதிகமாக அரித்து முகடுகளையும் மற்றும் பள்ளங்களையும் மாறி மாறி உருவாக்குகிறது.

காற்றில் உராய்ந்து தேய்தல் செயலினால் உருவாகும் நில தோற்றத்தில் முகடுகளும் பள்ளங்களும் அடுத்தடுத்து காணப்படுவதே சியூகன் எனப்படும்.

இவை பிறை வடிவம் கொண்டவை. பிறையின் இருமுனைகளும் காற்றின் எதிர்திசையில் நீண்டு காணப்படுகிறது. இப்பிறைவடிவ குன்றுகள் 27 மீட்டர் உயரம் வரை காணப்படும்.

இவை அங்கு வீசும் காற்றின் திசை அமைப்பில் காணப்படுகின்றன. சங்கிலி தொடர் மணல் குன்றின் பரப்பு தளம் காற்று வீசும் திசையில் அமைவதற்கு, அதன் இரு முனைகளும் காற்றுச் சுழல்களை கொண்டு இருப்பதே காரணமாகும். சங்கிலித் தொடர் குன்று முகடுகளுக்கு இடையில் உள்ள பள்ளங்களில் காணப்படும் மணல் காற்றினால் நீக்கப்படுகிறது. இந்த முகடுகள் பல கிலோ மீட்டர் நீண்டு காணப்படும்.

பல ஆயிரம் வருடமாக உலகின் பல பகுதிகளில் மேற்பரப்பானது காற்றினாலும் அது ஏற்படுத்தும் தூசுப் புயல்களினாலும் படிவிக்கப்பட்ட படிவுகளால் நிரப்பப்பட்டுள்ளது. இந்த படிவுகளை காற்றடி வண்டல் படிவு என அழைக்கப்படுகிறது. பாலைவனங்களில் உள்ள உயர்நிலங்கள் காற்றின் செயல்களினால் அரிக்கப்பட்டு எவ்வித நில தோற்றமும் அற்ற தாழ் நிலமாக மாறுவதே மலையடி சமவெளி எனப்படும்

கடல் அலைகள் உராய்ந்து தேய்தல், நீர்தாக்கம், கரைத்தரித்தல், உராய்தல் போன்ற செயல்கள் மூலம் அரித்தல் செயலை செய்கிறது.

கடலலைகள் அரிக்கப்பட்ட பொருள்களோடு கடலோரத்தை தாக்குவதே உராய்ந்து தேய்தல் எனப்படும். உராய்ந்து தேய்தல், அரித்துத்தின்னல் எனவும் அழைக்கப்படுகிறது.

அலைகள் பாறைகளின் வெடிப்புகளின் வழியே நீரையும் காற்றையும் வேகமாக உட்செலுத்துகிறது. இதனால் பாய்ந்து செல்லும் நீரினால் பாறைகள் உடைகின்றன. கரைத்தரித்தல் கரைதல் எனவும் அழைக்கப்படும். அரிக்கப்பட்ட பொருள்களான பாறாங்கற்களும் பாறைகளும் ஒன்றுடன் ஒன்று மோதி சிறிய பாறை துகள்களாக உருவாவது உராய்தல் எனப்படும்.

அலை அரிமேடை மேல்நோக்கிய சற்று குழிந்த அமைப்பை கொண்டிருக்கும். இவை ஊது துளைகள் நொறுங்குவதாலும் ஏற்படுகிறது.

குகை வாயின் அகலத்தை விட குகையின் ஆழம் எப்பொழுதும் அதிகமாக இருக்கும். கடல் குகைகள் பொதுவாக பாறைப்படுமானம், வெடிப்புகள் மற்றும் பிளவுகள் போன்ற பலவீனமான நிலப்பரப்புகளில் கடல் குகைகள் உருவாகின்றன.

கடல் குகையில் கூரையின் மீது கடல் அலைகளின் நீர் மற்றும் வாயு தாக்க செயல்களினால் நீரானது துளையின் வழியே மேலே வருவது ஊது துளை எனப்படும். ஊது துளைகள் அளவில் பெரிதாகும் பொழுது கடல் குகைகள் உடைந்து நொறுங்குகிறது. கடல் குகைகள், கடல் அலைகளின் செயல்களினால் அரிக்கப்படும் பொழுது கடல் வளைவுகள் ஏற்படும்.

அரிக்கப்பட்ட கடல் தூண்களை எஞ்சிய பாறை என்கிறோம்.

இயற்கையாக அமைந்துள்ள கடல் வளைவுகள் உடைகிறது. இது புகைப்போக்கி பாறை, ஊசிகள், தூண்கள் கடல் பாறை திட்டுகள் எனவும் அழைக்கப்படுகிறது.

கடல் அலைகளினால் அரிக்கப்பட்ட பொருட்கள் பல வழிகளிலும் கடத்தப்படுகின்றன.

மணல், கூழாங்கற்கள், சரளைக் கற்கள் போன்றவை படிய வைக்கப்பட்ட கடலோர பகுதியை கடற்கரை என்கிறோம். பிரேயோ டா கேசினோ 200 கிலோ மீட்டர் நீளம் கொண்டது. இது ரியோ கிராண்ட்டிலிருந்து உருகுவே வரை நீண்டு காணப்படுகிறது. சென்னையில் உள்ள மெரினா கடற்கரை உலகின் இரண்டாவது நீண்ட கடற்கரை ஆகும்.

கடற்கரை எல்லைக்கு அப்பால் நீண்ட பரப்பளவில் படிய வைக்கப்பட்ட மணற்பரப்பை மணல்திட்டு என்கிறோம்.

கடலோரத்தில் மணல் திட்டுகளுக்கும் இடையில் காணப்படும் அடைக்கப்பட்ட கடல்நீர் காயல்கள் எனப்படுகின்றன. தீவு சரளை இணை பாதை என்பது தீவினை கடலோரத்தோடு இணைக்கும் மணல்திட்டு ஆகும்.

நீளமான, குறுகிய மணல் அல்லது கூழாங்கற்கள் நிறைந்த பகுதியே நீண்ட மணல்திட்டு என்றழைக்கப்படுகிறது. இவற்றின் ஒரு முனை கடற்கரையுடன் இணைந்தும் மற்றொரு முனை கடலிலும் அமைந்திருக்கும். தமிழ்நாட்டில் உள்ள ராமேஸ்வரம் இந்த வகை நில தோற்றத்திற்கு எடுத்துக்காட்டாகும்.