மின்னோட்டவியல் Online Test 12th Science Questions in Tamil

விளக்கம்: நாம் மின்சாரத்தை மிக மிக விலை குறைந்ததாக ஆக்குவோம்; அதனால் இனிமேல், பணக்காரர்கள்தான் மெழுகுவர்த்திகளை ஏற்றுவார்கள் – தாமஸ் ஆல்வா எடிசன்

விளக்கம்: மின்னோட்டவியல் என்பது மின்துகள்களின் இயக்கத்தைப்பற்றிய பிரிவு ஆகும்.

விளக்கம்: கட்டுறா எலக்ட்ரான்களை அதிகம் கொண்டுள்ளபொருட்களை கடத்திகள் (conductors) என்கிறோம்.

விளக்கம்: மின்னோட்டம் என்பது ஸ்கேலர் அளவாகும்.

விளக்கம்: ஒரு கூலூம் மின்னூட்டம் கொண்ட மின்துகள்கள் ஒரு வினாடி நேரத்தில் செங்குத்தான குறுக்குவெட்டுப்பரப்பைக் கடந்தால் ஏற்படும் மின்னோட்டமே ஒரு ஆம்பியர் மின்னோட்டம் ஆகும். கட்டுறா எலக்ட்ரான்களை அணுவிலிருந்து எளிதில் பிரித்தெடுக்கலாம்.

விளக்கம்: மின்னோட்டத்தின் SI அலகு ஆம்பியர் (A) ஆகும்.

விளக்கம்: மரபுப்படி, மின்சுற்றில் மின்னோட்டம் நேர்மின் வாயிலிருந்து எதிர்மின்வாயுக்கு பாயும். இந்த மின்னோட்டமே மரபு மின்னோட்டம் அல்லது மின்னோட்டம் எனப்படும்.

விளக்கம்: இயற்கையில் ஏற்படும் மின்னல் வெட் டு மிகக்குறுகிய காலத்தில் மிக அதிக மின்னோட்டத்தை ஏற்படுத்தும்.

விளக்கம்: கடத்திகளில் இருக்கும் கட்டுறா எலக்ட்ரான்களே மின்னூட்டத்தை எடுத்துச்செல்லும் ஊர்திகளாகும்.

விளக்கம்: இயக்க எண்ணின் SI அலகு m2V-1s-1

விளக்கம்: ஒரு கடத்தியில் இழுப்பு திசைவேகத்தின் பொதுவான மதிப்பு 10-4ms-1 ஆகும்.

விளக்கம்: ஒரு கடத்தியில் வெளிப்புற மின்புலம் இல்லாத நிலையில் நிகர மின்னோட்டமும் இருக்காது.

விளக்கம்: நேர்மின் அயனிகள் கட்டுறா எலக்ட்ரான்களை போன்று சுதந்திரமாக இயங்க இயலாது.

விளக்கம்: இழுப்புத்திசைவேகம் என்பது கடத்தியில் உள்ள எலக்ட்ரான்களை மின்புலத்திற்கு உட்படுத்தும்போது அவை பெறும் சராசரி திசைவேகம் ஆகும். இயக்க எண் என்பது ஓரலகு மின்புலத்தினால் ஏற்படும் இழுப்புத்திசைவேகத்தின் எண்மதிப்பு ஆகும்.

விளக்கம்: மின்னோட்ட அடர்த்தியின்SI அலகு Am-2 ஆகும்.

விளக்கம்: மின்னோட்ட அடர்த்தி ஒரு வெக்டர் அளவாகும்.

விளக்கம்: மின்கடத்து எண்ணின் தலைகீழ் மதிப்பு மின்தடை எண் (ρ ) ஆகும்.

விளக்கம்: மின்னோட்ட அடர்த்தி ஒரு வெக்டர் அளவு. ஆனால் மின்னோட்டம் ஒரு ஸ்கேலர் அளவு. ஏன் ? பொதுவாக மின்னோட்டம் I என்பது மின்னோட்ட அடர்த்தி மற்றும் மின்துகள்கள் பாயும் பரப்பு வெக்டர்ஆகியவற்றின்புள்ளிப்பெ ருக்கம் ஆகும். மேற்பரப்பு A வின் செங்குத்து வெக்டரின் திசையைப் பொறுத்து மின்னோட்டம் I ஆனது நேர்க்குறி அல்லது எதிர்க்குறியைப் பெறும்.

விளக்கம்: ஒரு கடத்தியின் மின்தடையானது கடத்தியின் நீளத்திற்கு நேர்த்தகவிலும், அக்கடத்தியின் குறுக்குவெட்டுப் பரப்பிற்கு எதிர்த்தகவிலும் அமைகிறது.

விளக்கம்: மின்தடையின் SI அலகு ஓம் (Ω).

விளக்கம்: மின்னோட்டம் மற்றும் மின்னழுத்த வேறுபாட்டிற்கான வரைபடம் நேர்கோடாக அமையாமல் சிக்கலான வடிவில் இருந்தால் இவ்வகை பொருட்கள் அல்லது கருவிகள் ஓம் விதிக்கு உட்படுவதில்லை. மேலும் இவ்வகை பொருட்களுக்கு மின்தடை மாறிலியாகவும் அமையாது.

விளக்கம்: மின்தடை SI அலகு ஓம்–மீட்டர் (Ω m).

விளக்கம்: கடத்திகள் மிகக் குறைந்த மின் தடை எண்ணை பெற்றிருக்கும்.

விளக்கம்: மின்கடத்தாப்பொருட்கள் மிக அதிக மின்தடை எண்ணை பெற்றிருக்கும்.

விளக்கம்: குறைகடத்திகளின் மின்தடை எண் கடத்திகளை விட அதிகமாகவும் ஆனால் மின்கடத்தாப் பொருட்களை விட குறைவாகவும் அமையும்.

விளக்கம்: மின்தடை எண்ணைப் பொருத்து பொருட்களை கடத்திகள், குறைக்கடத்திகள், மின் கடத்தாப்பொருட்கள் (Insulators) என வகைப்படுத்தலாம்.

விளக்கம்: கடத்தியின் மின்தடை என்பது கடத்தியின் முனைகளுக்கிடையே உள்ள மின்னழுத்த வேறுபாட்டிற்கும் கடத்தியின் வழியே மின்னோட்டத்திற்கும் உள்ள தகவாகும். பொருளின் மின்தடை எண் என்பது ஓரலகு நீளமும் ஓரலகு குறுக்கு வெட்டு பரப்பும் கொண்ட கடத்தியானது மின்னோட்டத்திற்கு அளிக்கும் மின்தடை ஆகும்.

விளக்கம்: சிலிக்கான், ஜெர்மானியம் போன்றவை குறைக்கடத்திகள் ஆகும்.

விளக்கம்: வெள்ளி, தாமிரம், இரும்பு, டங்ஸ்டன், அலுமினியம் போன்றவை கடத்திகள் ஆகும்.

விளக்கம்: கடின இரப்பர், உருகிய குவார்ட்ஸ், தூய  நீர், சோடியம் குளோரைடு போன்றவை மின் கடத்தாப்பொருட்கள் ஆகும்.

விளக்கம்: ஜெர்மானியம் மின்தடை எண் 0.46 ஆகும்.

விளக்கம்: சிலிக்கான் மின்தடை எண் 640 ஆகும்.

விளக்கம்: வெள்ளி மின்தடை எண் 1.7 ×10-8 ஆகும். தாமிரம் மின்தடை எண் 1.6×10-8  ஆகும்.

விளக்கம்: அலுமினியம் மின்தடை எண் 2.7 × 10-8 ஆகும். டங்ஸ்டன் மின்தடை எண் 5.6× 10-8 ஆகும்.

விளக்கம்: இரும்பு மின்தடை எண்10× 10-8 ஆகும்.

விளக்கம்: தூய நீர் மின்தடை எண் 2.5 × 10-5 ஆகும். கண்ணாடி மின்தடை எண்1010- 1014 ஆகும்.

விளக்கம்: கடின இரப்பர் மின்தடை எண்1013- 1016 ஆகும்.

விளக்கம்: சோடியம் குளோரைடு மின்தடை எண் 1014 ஆகும்.

விளக்கம்: உருகிய குவார்ட்ஸ் மின்தடை எண்1016 ஆகும்.

விளக்கம்: மனித உடலில் அதிக அளவு நீர் உள்ளதால் மின்தடை குறைவாக கிட்டத்திட்ட 200 Ω அளவே இருக்கும்.

விளக்கம்: உலர்ந்த தோலின் மின்தடை மிக அதிகமாக கிட்டத்தட்ட 500 kΩ அளவு இருக்கும்.

விளக்கம்: தோலானது ஈரமானதாக இருந்தால் மின்தடையின் மதிப்பு குறைந்து கிட்டத்தட்ட 1000 Ω அளவே இருக்கும். எனவே மின் இணைப்புகளை ஈரமான கைகளுடன் தொடுவது மிகவும் ஆபத்தானதாகும்.

விளக்கம்: மின்விளக்கு, வெப்பமேற்றும் சாதனங்கள், எளிய மின்தடையாக்கி போன்றவை தொடரிணைப்பில் அமையப்பெற்ற மின்தடையாக்கி சாதனங்கள் ஆகும்.

விளக்கம்: தொடரிணைப்பில் உள்ள மின்தடையாக்கிகளின் தொகுபயன் மின்தடையானது தனித்தனி மின்தடைகளின் மதிப்புகளை விட அதிகமாக அமையும்.

விளக்கம்: பக்க இணைப்பில் மின்தடையாக்கிகள் இணைக்கப்படும் போது தொகுபயன் மின்தடை தனித்தனி மின்தடைகளின் மதிப்பை விட குறைவானதாக இருக்கும்.

விளக்கம்: வீட்டு உபயோக சாதனங்கள் எப்போதும் பக்க இணைப்பில் இணைக்கப்பட்டிருக்கும். அப்போதுதான் ஏதாவது ஒரு சாதனம் பழுதடைந்தால் அதைத்தவிர்த்து மற்ற சாதனங்கள் வேலை செய்யும்.

விளக்கம்: மின்தடைகளின் நிறக்குறியீடுகளை காணும்போது மூன்று வளையங்கள் உள்ள பகுதி நமக்கு இடது புறம் இருக்குமாறு வைத்துக்கொள்ள வேண்டும். மின்தடைகளில் உலோக நிற வளையங்கள் இடது புறமாக இருக்காது.

விளக்கம்: வெள்ளி மின்தடை வெப்பநிலை எண் 3.8 × 10-3 ஆகும். தாமிரம் மின்தடை வெப்பநிலை எண்3.9 × 10-3 ஆகும்.

விளக்கம்: தங்கம் மின்தடை வெப்பநிலை எண் 3.4 × 10-3 ஆகும். அலுமினியம் மின்தடை வெப்பநிலை எண்3.9 × 10-3 ஆகும்.

விளக்கம்: டங்ஸ்டன் மின்தடை வெப்பநிலை எண் 5.0 × 10-3 ஆகும். இரும்பு மின்தடை வெப்பநிலை எண்5.0 × 10-3 ஆகும்.

விளக்கம்: பிளாட்டினம் மின்தடை வெப்பநிலை எண் 3.92 × 10-3 ஆகும். காரீயம் மின்தடை வெப்பநிலை எண்3.9 × 10-3 ஆகும்.

விளக்கம்: நிக்ரோம் மின்தடை வெப்பநிலை எண் 0.4 × 10-3 ஆகும். கார்பன் மின்தடை வெப்பநிலை எண் -0.5 × 10-3 ஆகும்.

விளக்கம்: ஜெர்மானியம் மின்தடை வெப்பநிலை எண் -48 × 10-3 ஆகும். சிலிக்கான் மின்தடை வெப்பநிலை எண் -75 × 10-3 ஆகும்.

விளக்கம்: எதிர்க்குறி வெப்பநிலை மின்தடை எண் உடைய குறைக்கடத்தியானது வெப்ப தடையகம் (Thermistor) எனப்படும்.

விளக்கம்: பொருட்களின் மின்தடை எண் ஆனது i) எலக்ட்ரான்களின் எண் அடர்த்தி (n) க்கு எதிர்த்தகவில் அமையும். ii) மோதலுக்கு இடைப்பட்ட சராசரி காலத்திற்கு (τ) எதிர்த்தகவில் அமையும்.

விளக்கம்: ஒரு சில பொருட்களின் வெப்பநிலையானது ஒரு குறிப்பிட்ட வெப்பநிலைக்கு கீழே குறையும்போது அதன் மின்தடை எண் சுழியாகும். இந்த வெப்பநிலையானது மாறுநிலை வெப்பநிலை அல்லது பெயர்வு வெப்பநிலை எனப்படும்.

விளக்கம்: மாறுநிலை வெப்பநிலை அல்லது பெயர்வு வெப்பநிலைவெளிப்படுத்தும் பொருட்கள் மீக்கடத்திகள் (Superconductors) எனப்படும்.

விளக்கம்: முதன் முதலில் 1911 ல் காமர்லிங் ஒன்ஸ் என்பவர் மீக்கடத்தும் தன்மையை கண்டறிந்தார்.

விளக்கம்: முதன் முதலில் 1911 ல் காமர்லிங் ஒன்ஸ் என்பவர் பாதரசமானது 4.2 K வெப்பநிலையில் மீக்கடத்தும் தன்மையை வெளிப்படுத்துவதைக் கண்டறிந்தார்.

விளக்கம்: மின்திறனின் SI அலகு வாட்

விளக்கம்: மின்தடையில் உருவாக்கப்படும் (வெளியேறும்) மின்திறனின் அளவு P= I2  R ஆகும்.

விளக்கம்: மின்திறனானது மின்னோட்டத்தின் இருமடியை பொறுத்தது. எனவே மின்னோட்டத்தை இருமடங்காக்கினால் மின்திறனானது நான்கு மடங்காகும். மின்னழுத்த வேறுபாட்டிற்கும் இந்த விளக்கம் பொருந்தும்.

விளக்கம்: தமிழ்நாடு மின்சார வாரியம் நாம் பயன்படுத்தும் மின் ஆற்றலுக்கான கட்டணத்தை பெறுகிறதே தவிர மின்திறனுக்கான கட்டணம் அல்ல. 1V மின்னழுத்த வேறுபாட்டினால் பாயும் மின்னோட்டம் 1 A எனில் உருவாகும் திறன் 1W ஆகும்.

விளக்கம்: பெல்டியர் விளைவு ஒரு மீள் விளைவு ஆகும்.

விளக்கம்: பெல்டியர் 1834 ல் பெல்டியர் விளைவை கண்டறிந்தார்.

விளக்கம்: தாம்ஸன் விளைவும் மீள்விளைவு ஆகும்.

விளக்கம்: நேர்க்குறி தாம்ஸன் விளைவு வெள்ளி, துத்தநாகம் மற்றும் காட்மியம் போன்ற உலோகங்களிலும் நடைபெறும்.

விளக்கம்: எதிர்க்குறி தாம்ஸன் விளைவு பிளாட்டினம், நிக்கல், கோபால்ட் மற்றும் பாதரசம் போன்ற உலோகங்களிலும் நடைபெறும்.

விளக்கம்: மின்னோட்ட பாய்வின் காரணமாக மின்னோட்டத்தின் திசையில் வெப்பப் பரிமாற்றம் நடைபெறும். இது நேர்க்குறி தாம்ஸன் விளைவு எனப்படும்.

விளக்கம்: மின்னோட்ட பாய்வினால் மின்னோட்டத்தின் திசைக்கு எதிர் திசையில் வெப்ப பரிமாற்றம் நடைபெறும். இது எதிர்க்குறி தாம்ஸன் விளைவு எனப்படும்.

விளக்கம்: வெப்ப மின்னிரட்டையுடன் கூடிய மின் சுற்றில் மின்னோட்டத்தை செலுத்தும்போது, ஒரு சந்தியில் வெப்பம் வெளிப்படுதலும் மற்றொரு சந்தியில் வெப்பம் உட்கவர்தலும் நடைபெறும். இவ்விளைவு பெல்டியர் விளைவு எனப்படும். 

விளக்கம்: ஒரு கடத்தியின் இருபுள்ளிகள் வெவ்வேறு வெப்பநிலைகளில் உள்ளபோது, இந்த புள்ளிகளில் எலக்ட்ரான் அடர்த்தி வேறுபடுவதால் இவ்விரு புள்ளிகளுக்கிடையே மின்னழுத்த வேறுபாடு உருவாக்கப்படும். இவ்விளைவு தாம்சன் விளைவு எனப்படும்.

விளக்கம்: சீபெக் விளைவு ஒரு மீள் விளைவு ஆகும்.

விளக்கம்: வெப்ப மின்னிரட்டை மற்றும் வெப்ப மின்னிரட்டை அடுக்குகளில் பயன்படுத்தப்படும் பொருட்களுக்கிடையே உள்ள வெப்ப நிலை வேறுபாட்டை அளவிட சீபெக் விளைவு பயன்படுகிறது.

விளக்கம்: தானியங்கி வாகனங்களில் எரிபொருள் பயனுறு திறனை அதிகரிக்க பயன்படும் தானியங்கி வெப்ப மின்னியற்றிகளில் பயன்படுத்தப்படுகிறது.

விளக்கம்: சீபெக் விளைவானது வெப்ப மின்னியற்றிகளில் பயன்படுகிறது (சீபெக் மின்னியற்றி).

விளக்கம்: (சீபெக் மின்னியற்றி). இந்த வெப்ப மின்னியற்றிகள், மின் உற்பத்தி நிலையங்களில் வீணாகும் வெப்ப ஆற்றலை மின்னாற்றலாக மாறுகின்றன.

விளக்கம்: வெப்ப மின்னிரட்டையில் தோன்றும் மின்னியக்கு விசையின் எண்மதிப்பு (i) மின்னிரட்டையில் இடம்பெறும் உலோகங்களின் தன்மை மற்றும் (ii) சந்திகளின் வெப்பநிலை வேறுபாடு ஆகியவற்றை பொறுத்தது.

விளக்கம்: வெப்ப மற்றும் குளிர் சந்திகளை இடமாற்றம் செய்தால் மின்னோட்டத்தின் திசையும் மாறும். எனவே இந்த விளைவு ஒரு மீள் விளைவு ஆகும்.

விளக்கம்: ஒரு மூடிய சுற்றில் இரு வெவ்வேறு உலோகங்களின் இரு சந்திப்புகளை வெவ்வேறு வெப்பநிலைகளில் வைக்கும்போது மின்னழுத்த வேறுபாடு (மின்னியக்கு விசை) தோன்றுவதை சீபெக்கண்டறிந்தார். இம் மின்னியக்கு விசையினால் ஏற்படும் மின்னோட்டத்தை வெப்பமின்னோட்டம் என்றழைக்கலாம்.

விளக்கம்: இரு உலோகங்கள் இணைத்து சந்திப்புகளை ஏற்படுத்துவது வெப்ப மின்னிரட்டை (Thermocouple) எனப்படும்.

விளக்கம்: வெப்பமின் விளைவு என்பது வெப்பநிலை வேறுபாட்டை மின்னழுத்த வேறுபாடாக மாற்றும் நிகழ்வு ஆகும்.

விளக்கம்: மின் விளக்குகளில் (Incandesent lamp) 5% மட்டுமே மின் ஆற்றல் ஒளியாக மாற்றப்படுகிறது

விளக்கம்: மின்னிறக்க விளக்குகள் (Discharge lamp), மின் பற்றவைத்தல்(வெல்டிங்), மின் வில் போன்றவை மின்னோட்டத்தின் வெப்ப விளைவை பயன்டுத்துகின்றன.

விளக்கம்: டங்க்ஸ்டன் இழைகள் உருகுநிலை 3380°C ஆகும்.

விளக்கம்: 1500°C வெப்பநிலை வரை உருவாக்க மாலிப்டினம் –நிக்கல் கம்பி சுற்றப்பட்ட சிலிக்கா குழாய் பயன்படுகின்றது.

விளக்கம்: கார்பன் வில் உலைகள் (Carbon arc furnaces) சுமார்  3000°C வெப்பநிலை வரை உருவாக்க பயன்படுகின்றன.

விளக்கம்: மின் உருகிக் கம்பிகள் என்பது மிகக் குறைந்த நீளமுள்ள குறைவான உருகுநிலை கொண்ட பொருளாலானவை.

விளக்கம்: 15Aக்கு குறைவாக மின்னோட்டம் செல்லும் மின்சுற்றுகளில் காரீயம் (Lead) மற்றும் வெள்ளீயத்தினால் (Tin) ஆன உலோகக்கலவை மின் உருகு இழையாக பயன்படுத்தப்படுகிறது.

விளக்கம்: 15Aக்கு அதிகமான மின்னோட்டம் செல்லும் மின்சுற்றுகளில் தாமிரக்கம்பிகள் மின் உருகு இழையாக பயன்படுத்தப்படுகிறது. 

விளக்கம்: தற்போது நமது வீடுகளில் மின் உருகிகளுக்கு பதிலாக மின்சுற்று துண்டிப்பான்கள் (Trippers) பயன்படுகின்றன.

விளக்கம்: நிக்ரோமின் மின்தடைஎண் மிக அதிகம்.

விளக்கம்: மின் சூடேற்றிகளில் சூடேற்றும் கம்பியானது நிக்கல் மற்றும் குரோமியத்தின் உலோகக் கலவையான நிக்ரோமினால் ஆனது.

விளக்கம்: நிக்ரோமை ஆக்ஸினேற்றம் அடையாமலே மிக அதிக வெப்பநிலைக்கு வெப்பப்படுத்த முடியும்.

விளக்கம்: ஜுலின் விதிப்படி, ஒரு மின்சுற்றில் மின்னோட்டம் பாய்வதால் உருவாக்கப்படும் வெப்பமானது மின்னோட்டத்தின் இருமடிக்கு நேர்த்தகவில் அமையும்.

விளக்கம்: ஜுலின் விதிப்படி, ஒரு மின்சுற்றில் மின்னோட்டம் பாய்வதால் உருவாக்கப்படும் மின்சுற்றின் மின்தடைக்கு நேர்த்தகவிலும் அமையும்.

விளக்கம்: ஜுலின் விதிப்படி, ஒரு மின்சுற்றில் மின்னோட்டம் பாய்வதால் உருவாக்கப்படும் வெப்பமானது மின்னோட்டம் பாயும் நேரத்திற்கு நேர்த்தகவிலும் அமையும்.